Ի.Ալիևը՝ ադրբեջանական հասարակությունում բազմամշակութայնության և հանդուրժողականության ավանդույթների պահպանման մասին

17 0Հոկտեմբերի 2025 - 17:00

Ադրբեջանի նախագահ Իլհամ Ալիևը ուղերձ է հղել՝ Ասիական քաղաքական կուսակցությունների միջազգային համաժողովի Ասիական մշակույթի խորհրդի 4-րդ նիստի մասնակիցներին։

Armenia.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։

Իլհամ Ալիևը նշել է, որ Ասիական մշակույթի խորհուրդը կարևոր հարթակ է՝ միջմշակութային երկխոսության ոլորտում այդ մայրցամաքի ներուժը բացահայտելու համար։ Նախագահը ընդգծել է, որ ներկայիս նիստի կենտրոնական թեման համընկնում է՝ մարդկության ամենահրատապ առաջնահերթությունների հետ և ծառայում է մարդասիրության ու ներառականության վրա հիմնված նոր աշխարհակարգի կառուցման գործին։

Պետության ղեկավարը հիշեցրել է, որ ողջ պատմության ընթացքում Ադրբեջանը եղել է եզակի տարածք, որտեղ հատվել են տարբեր քաղաքակրթություններ, մշակույթներ, կրոններ և ավանդույթներ։ Իլհամ Ալիևը նշել է, որ բոլոր կրոնների և էթնիկ խմբերի ներկայացուցիչների համակեցությունը՝ փոխադարձ հարգանքի, վստահության և խաղաղության մթնոլորտում, կարևոր դեր է խաղացել մեր բազմազգ և բազմադավան երկրի սոցիալ-քաղաքական զարգացման գործում։

Նախագահը ընդգծել է, որ բազմամշակութայնության և հանդուրժողականության ավանդույթների պահպանումը ադրբեջանական հասարակության սոցիալ-մշակութային հիմքերի անբաժանելի մասն է կազմում և պետական քաղաքականության հիմնական ուղղություններից մեկը։Դ րան զուգահեռ, Ադրբեջանը միջազգային մակարդակով խթանում է միջմշակութային ներդաշնակ հարաբերությունները և առաջ է քաշում միջքաղաքակրթական երկխոսության մի շարք նախաձեռնություններ։ Իլհամ Ալիևը նշել է, որ Ադրբեջանում ավանդաբար անցկացվող միջմշակութային երկխոսության համաշխարհային ֆորումը դարձել է միջազգային խաղաղ նախաձեռնություններին աջակցող կարևոր հարթակ։

ARMENIA.AZ