«Եվրատեսիլի» ադրբեջանական պատվիրակության ղեկավարը պարզաբանել է մրցույթից դուրս մնալու հարցը

17 Մայիսի 2022 - 10:56

Մինչ մենք ուզում էինք Ուկրաինային տալ 12 միավոր, մեզնից համառորեն պահանջում էին այդ ձայնը տալ Բրիտանիային։

Ինչպես հայտնում է Armenia.Az-ը, այս մասին լրագրողներին տված հարցազրույցում ասել է՝ «Եվրատեսիլում» ադրբեջանական պատվիրակության ղեկավար Իսա Մելիքովը։

Նրա խոսքով, եզրափակչի օրը անմիջապես համապատասխան նամակ է ուղարկվել կազմակերպությանը։ Նամակում նրանք բացատրություն էին պահանջում, թե ինչու ժյուրին հաշվի չի առել Ադրբեջանի քվեարկությունը. «Եզրափակչի գիշերը տեսանք, որ մեր քվեն հաշվի չի առնվել, և դիմեցինք կազմակերպիչներին։ Այսօր մենք ևս մեկ բողոքի նամակ ենք ուղարկել Եվրոպական հեռարձակողների միությանը։ Հավանաբար, պաշտոնական պատասխանը կստացվի երկու օրից»։

Ի.Մելիքովն անդրադարձել է նաև Ադրբեջանի հետագա քայլերին. «Կարծում եմ, որ Ադրբեջանի հետագա որոշումը կախված կլինի պատասխանից։ Ինչպես առաջիկա տարիներին մասնակցության, այնպես էլ ընդհանրապես այս միջոցառմանը գնահատական տալու առումով»։

Նա ասել է, որ ժյուրիի կողմից մրցույթից Ադրբեջանին ու ևս 5 երկրներին հեռացնելու հարցը պաշտոնական չի հանդիսանում. EBU-ն այս հարցի վերաբերյալ ընդհանուր հայտարարություն չի արել և չի նշել այն երկրների անունները, որոնք ներառված են կասեցված երկրների ցանկում»։

Նշենք, որ մայիսի 14-ին կայանալիք «Եվրատեսիլ» երգի մրցույթի եզրափակիչ գիշերը հաշվի չի առնվել Ադրբեջանի և մի շարք այլ երկրների ժյուրիի ձայները։

ARMENIA.AZ