Եվրոպայի առաջնության հերոս. «Հայը գերազանցում էր ինձ ֆիզիկական տվյալներով ու փորձով, բայց ես կարողացա հաղթել նրան»

12 Փետրվարի 2020 - 18:06

Մինչև 77 կգ քաշայինների պայքարում Եվրոպայի չեմպիոն Սանան Սուլեյմանովը մեկնաբանել է իր հաղթանակը:

Ինչպես տեղեկացնում է Armenia.Az-ը՝ վկայակոչելով Ադրբեջանի ըմբշամարտի ֆեդերացիայի մամուլի ծառայությանը, հունահռոմեական ոճի 23-ամյա ըմբիշը նշել է, որ Եվրոպայի առաջնությունից առաջ նա նույնիսկ չէր հավատում, որ կարող է հասնել հաջողության:

«Առաջին անգամ էի հանդես գալիս մինչև 77 կգ քաշային կարգում: Չնայած ես կշռում եմ ընդամենը 75 կգ: Դրա համար էլ, ոչ ոք ինձանից մեդալ չէր սպասում: Այո, ես ինքս էլ առանձնապես չէի հավատում դրան: Մյուս կողմից, դա ինձ թույլ տվեց պայքարել առանց մեծ ճնշման: Յուրաքանչյուր գոտեմարտից հետո վստահությունն աճում էր: Առաջին մենամարտում ես հաղթեցի Բուլղարիայից հային: Կիսաեզրափակչում իմ մրցակիցն էր արդեն Հայաստանի ներկայացուցիչը: Նա գերազանցում էր ինձ ֆիզիկական տվյալներով ու փորձով: Բայց ես կարողացա հաղթել նրան: Եզրափակչում ես ընդհանրապես չէի հուզվում: Ես ցուցադրեցի իմ ունակությունները և բարձրացրեցի մեր երկրի դրոշը:

Ես կշռում եմ ավելի քիչ, քան իմ մրցակիցները, դրա համար էլ հասկանում էի, որ պարտեր դրության ժամանակ միավորներ վաստակելը շատ դժվար կլինի: Փորձեցի ոտքի վրա միավորներ վաստակել: Շնորհակալ եմ մարզչական շտաբին, որը հավատում էր ինձ: Եթե նրանք անհրաժեշտ համարեն, սրանից հետո ես հանդես կգամ մինչև 77 կգ քաշային կարգում: Հաղթանակը նվիրում եմ բոլոր նրանց, ովքեր երկրպագել են ինձ, ինչպես նաև իմ ընտանիքին», - ասել է նա

ARMENIA.AZ