Twitter-ի օգտատերերը դատապարտել են Մխիթարյանին - ԼՈՒՍԱՆԿԱՐ

23 Մայիսի 2019 - 17:07

Վերջին ժամանակներում ֆուտբոլի համաշխարհային հանրությունում չեն հանդարտվում՝ «Արսեմալ» ակումբի հայ ֆուտբոլիստ Հենրիխ Մխիթարյանի մասին խոսակցությունները, տեղեկացնում է Armenia.Az-ը՝ վկայակոչելով Oxu.Az-ին։

Հիշեցնենք, որ մարզիկը անվտանգության նկատառումներով որոշել է չայցելել Բաքվում եզրափակիչին։ Իբր այստեղ կարող է ինչ որ վտանգ սպառնալ նրան և դա չնայած նրան, որ պաշտոնական Բաքուն ՈՒԵՖԱ-ին և «Արսենալ» ակումբին հայտարարել է, որ երկրում գտնվելու ժամանակ կապահովվի նրա անվտանգությունը։

Հ. Մխիթարյանի Բաքու չգնալու որոշումը միանշանակ չեն ընդունել սոցիալական ցանցերի շատ օգտատերեր։ Ոմանք նրան մեղադրել են քաղաքական օգուտ քաղելու մեջ, ոմանք նշել են, որ հայ մարզիկները արդեն բազմիցս այցելել են Բաքու և այնտեղ նրանց ոչինչ չի սպառնում։

Օրինակ, Ջեկ (@hewson91) մականունով օգտատերը՝ ի պատասխան Հ. Մխիթարյանի Ադրբեջանի մայրաքաղաք չգնալու հայտարարությանը, գրել է. «Եթե դու երբևիցե եղել ես Բաքվում, ապա գիտես, որ այն բավականին անվտանգ է։ Շատ հայ ըմբիշներ են ճանապարհորդել և այնտեղ մասնակցել սպորտային մրցումներին»։

Chidi Dibiat (@chidilizo) մականունով Կանադացի օգտատերը համարում է, որ անձամբ Հ. Մխիթարյանն է մեղավոր աղմուկ ստեղծելու մեջ, քանզի այցելել է Լեռնային Ղարաբաղ (Հայաստանի կողմից օկուպացված ադրբեջանական տարածք)։

«Կառավարությունը խոսք է տվել, որ նրան վտանգ չի սպառնա»,- հավելել է կանադացին։

Ուելսից Էնդրյու Ջեյմս (@andrewjames1927) մականունով մյուս օգտատերը նշում է, որ Հ. Մխիթարյանը ստեղծված իրավիճակը օգտագործում է ադրբեջանցիների դեմ քաղաքական քարոզչության նպատակներով։

«Բաքվում նույնպես անվտանգ է, ինչպես Եվրոպայում ամենուր»,- գրում է օգտատերը։

Վերջերս Բաքու այցելած ավստրալիացի Lotus (@lotus2955) օգտատերը գրում է, որ քաղաքը շատ անվտանգ է։

«Մենք այդ հիանալի քաղաքում անցկացրեցինք վեց օր։ Դա տարվա ընթացքում իմ երկրորդ այցն էր։ Դա հիանալի վայր է, շատ անվտանգ, անթերի մաքուր, այնտեղ մարդիկ շատ հաճելի են»։

Նույն կարծիքին է նաև օգտատեր Քրիստոֆեր Օկոները։ Առավել ևս, նա համարում է, որ Բաքվում Հ. Մխիթարյանը իրեն ավելի անվտանգ կզգա, քան իր հայրենիքում՝ Հայաստանում։

«Ադրբեջանը ամենաանվտանգ հետխորհրդային երկրներից մեկն է։ Բաքուն, հնարավոր է ավելի անվտանգ է, քան Լոնդոնը, որտեղ մարդկանց մշտապես դանակահարում են։ Հայաստանը համարվում է առավել քիչ անվտանգ։ Միկիի երկրից շատ ուրիշ մարզիկներ են խաղացել Ադրբեջանում Եվրոպայի Լիգայում»,- գրում է նա։

«Ի՞նչ տարբերություն հայ ըմբիշների միջև, ովքեր անցյալ տարի առանց որևէ խնդրի մրցել են Բաքվում։ Ի՞նչ տարբերություն նրանց և նրա միջև։ Եթե նրանք իրենց անվտանգ են զգացել, ինչու՞ նա չի կարող։ Նա շատ անգամ ավել կպաշտպանվի, քան սովորական ըմբիշները»,- գրել է ևս մեկ օգտատեր՝ Ստիվեն Գուդհենդը (@SG100953)։

Նիգերիայից մյուս օգտատեր Էբիե Էնդրյու Օկորոն (@passionateandy) ի պատասխան որոշ օգտատաերերի կողմից՝ խաղը ուրիշ երկիր տեղափոխելու առաջարկությանը՝ ընդգծել է, որ Բաքուն անվտանգ է և եզրափակիչ խաղը չի կարող ինչ որ խաղացողի պատճառով տեղափոխվել։

Gordy (GordySE1_R26) մականունով օգտատերը նույնպես համարում է, որ Մխիթարյանը Ադրբեջանում կլինի լիովին անվտանգության մեջ։

«Ո՞վ է ասել, որ նա չի կարող խաղալ։ Նրան տվել են բոլոր երաշխիքները, որ կապահովվի նրա անվտանգությունը։ Վերջին տարիներին շատ հայ մարզիկներ ու մարզուհիներ են առանց որևէ խնդիրների խաղացել Ադրբեջանում։ Երևի նա որոշել է չխաղալ անձնական պատճառներով»,- նշում է Gordy-ն։

ARMENIA.AZ