Ադրբեջանում Իտալիայի նախկին դեսպանը գիրք է հրատարակել Կովկասյան Ալբանիայի մասին

04 0Հոկտեմբերի 2025 - 10:35

Իտալիայում հրատարակվել է՝ «Կովկասյան Ալբանիա՝ կորուսյալ թագավորություն. հետազոտություններ և հայտնագործություններ Ադրբեջանում և Արևելյան Կովկասում» գիրքը։

AZERTAC-ի տվյալներով՝ գրքի հեղինակը Աուգուստո Մասարին է, ով 2017-ից 2021 թվականներին եղել է Ադրբեջանում Իտալիայի դեսպան։ Իտալերեն հրատարակությունը մանրամասն տեղեկատվություն է տրամադրում Կովկասյան Ալբանիայի մասին։ Գիրքը բաղկացած է նախաբանից և 13 գլխից՝ ընդհանուր առմամբ 466 էջ, և ընդգրկում է հարցերի լայն շրջանակ՝ Կովկասյան Ալբանիայի կապերից Հռոմեական կայսրության հետ մինչև հայերի կողմից Ղարաբաղում կատարված վանդալիզմի ակտերը։ Տեքստը ուղեկցվում է 68 նկարազարդ լուսանկարներով։

Այս գիրքը գրելու հիմնական նպատակն է՝ Իտալիայի և մյուս եվրոպական երկրների ընթերցողներին տեղեկատվություն տրամադրել Կովկասյան Ալբանիայի պատմության, հնագիտության, ճարտարապետության և այլ փաստեր այս պետության մասին։

Հրատարակության նախապատրաստմանը ակտիվորեն մասնակցել է՝ Ադրբեջանի գիտությունների ազգային ակադեմիայի (ԱԳԱԱ) հնագիտության և մարդաբանության ինստիտուտի՝ անտիկ ժամանակաշրջանի և ալբանական հնագիտության բաժնի ղեկավար, պատմության գծով փիլիսոփայության դոկտոր և դոցենտ Նատիգ Ալըշովը: Կազմակերպվել են Ալըշովի և Մասսարիի համատեղ ուղևորություններ դեպի Իսմայիլի, Գաբալա, Օղուզ, Շեքի, Գախ, Զագաթալա, Բալաքյան, Գեդաբեյ և Ղարաբաղ: Այս շրջաններում նրանք այցելել են՝ իր ժամանակին Կովկասյան Ալբանիայի կազմու գտնվող բնակավայրեր, հնագիտական պեղումների վայրեր, տաճարներ, եկեղեցիներ, ալբանական քրիստոնեական ժառանգության վայրեր և ճարտարապետական հուշարձաններ, որտեղ նրանք հավաքել են գրքի համար ընդարձակ տեղեկատվական նյութեր:

ARMENIA.AZ