Թալեհ Քյազիմովը՝ Ադրբեջանի տնտեսության վրա աշխարհաքաղաքական իրավիճակի ազդեցության մասին

17 Փետրվարի 2025 - 14:50

Ադրբեջանի համար ներկայիս աշխարհաքաղաքական իրավիճակի հիմնական հետևանքներն են՝ գնաճը, միջազգային հաշվարկների փոխակերպումը, թվային ակտիվների և ազգային արժույթների աճող օգտագործումը և միջազգային կարգավորող պահանջներին համապատասխանելու անհրաժեշտությունը:

Ինչպես տեղեկացնում է Report-ը, այս մասին հայտարարել է Ադրբեջանի Կենտրոնական բանկի (ԱԿԲ) նախագահ Թալեհ Քյազիմովը՝ Էր-Ռիադում տեղի ունեցող «Al-Ula զարգացող տնտեսությունների համար» համաժողովի ժամանակ։

Թ..Քյազիմովի խոսքով, ամենակարևոր գործոններից մեկը մնում է համաշխարհային գնաճը և դրա ազդեցությունը Ադրբեջանի տնտեսության վրա։

«2022 թվականի հոկտեմբերին գնաճը երկրում հասել է 15,6 տոկոսի գագաթնակետին, սակայն 2024 թվականի վերջին այն իջել է մինչև 4,9 տոկոս։ Չնայած շարունակվող անորոշությանը, մենք կանխատեսում ենք, որ այս տարի գնաճը կկազմի 5,5%, իսկ հաջորդ տարի՝ 3,8%: Ընդհանուր առմամբ, գնաճը մնում է Կենտրոնական բանկի նպատակային միջակայքում (4% ± 2%)»,- նշել է ԱԿԲ ղեկավարը։

Որպես գնաճային ճնշման հիմնական պատճառ նա նշել է ներմուծվող գնաճը, որն առաջացել է ոչ նավթային առևտրի դեֆիցիտի հետևանքով, որը կազմում է ՀՆԱ-ի 21,8 տոկոսը։ «Վերջին երեք տարիների ընթացքում մեր առևտրային գործընկերների շրջանում միջին տարեկան գնաճը տատանվել է 11–15,8 տոկոսի սահմաններում։ «Մանաթի կայուն փոխարժեքի ռեժիմի և նրա անվանական արդյունավետ փոխարժեքի տարեկան 13%-ով ամրապնդման շնորհիվ մեզ հաջողվեց զսպել գնաճային ճնշումը»,- ընդգծել է Թ. Քյազիմովը։

ARMENIA.AZ