S&P Global-ը՝ Ադրբեջանի բանկային հատվածի ընթացիկ տարվա կանխատեսումների մասին

17 Փետրվարի 2025 - 12:04

S&P Global միջազգային վարկանիշային գործակալությունը ակնկալում է, որ 2025 թվականին Ադրբեջանի, Հայաստանի, Վրաստանի, Ղազախստանի և Ուզբեկստանի բանկային հատվածները կմնան կայուն, ինչպես 2024 թվականին։

Ինչպես հաղորդում է Report-ը՝ վկայակոչելով S&P-ին, վարկավորման երկնիշ աճը (15%) և ակտիվների կայուն որակը կշարունակեն աջակցել՝ տարածաշրջանի բանկերի շահութաբերության և կապիտալի մակարդակին։

Գործակալության տվյալներով՝ այս երկրներում բանկային կարգավորումը, վերահսկողությունը և կորպորատիվ կառավարումը զգալիորեն զարգացել են, բայց ավելի քիչ թափանցիկ և կանխատեսելի են մնում՝ համեմատած զարգացած շուկաների հետ։ Ղազախստանում և Ադրբեջանում վերջին տարիներին զգալիորեն ուժեղացել է կարգավորիչ վերահսկողությունը։ Միևնույն ժամանակ, թեև Վրաստանում բանկային վերահսկողությունը համարվում է ամենաառաջադեմը տարածաշրջանում, երկրում ժողովրդավարական չափանիշների անկումը կարող է բացասաբար անդրադառնալ կարգավորողի անկախության վրա։

Հայաստանում, Վրաստանում և Ուզբեկստանում վերջին տարիներին տնտեսական աճը հիմնականում պայմանավորված է՝ Ռուսաստանից և Ուկրաինայից մարդկանց և կապիտալի հոսքով, ինչպես նաև առևտրային հոսքերի ավելացմամբ, ինչպես նաև առևտրային հոսքերի ավելացմշամբ։ 2025 թվականին S&P-ը կանխատեսում է այս տեմպերի որոշակի դանդաղում։ Ադրբեջանում և Ղազախստանում Ռուսաստանից և Ուկրաինայից միգրացիայի ազդեցությունն ավելի քիչ է արտահայտվել և էական ազդեցություն չի ունեցել տնտեսական աճի վրա։

Գործակալությունը նշում է, որ բոլոր հինգ երկրների համար կմնա մարտահրավեր՝ ինչպես Արևմուտքի, այնպես էլ Ռուսաստանի հետ հարաբերությունների հավասարակշռումը, որը շարունակում է մնալ տարածաշրջանի հիմնական առևտրային գործընկերը: Հայաստանի համար անորոշության լրացուցիչ գործոն է մնում Ադրբեջանի հետ խաղաղության պայմանագրի հեռանկարը, որը պահանջում է մի շարք բարդ հարցերի լուծում։ Վրաստանում աճող ներքաղաքական անկայունություն է նկատվում, ինչը նվազեցնում է տնտեսական քաղաքականության կանխատեսելիությունը։

ARMENIA.AZ