85 երկրների ադրբեջանցիների մասնակցությամբ տեսակոնֆերանս է կայացել

24 Հունվարի 2025 - 12:31

Ադրբեջանի Սփյուռքի հետ աշխատանքի պետական կոմիտեի կազմակերպչական աջակցությամբ կազմակերպվել է տեսակոնֆերանս, որին մասնակցել է 85 երկրի շուրջ 1000 հայրենակից։ 2024 թվականի արդյունքներին նվիրված տեսակոնֆերանսին մասնակցել են՝ «Ադրբեջանի տների», համակարգող խորհուրդների, արտերկրների հանգստյան օրերի դպրոցների ներկայացուցիչներ, աշխարհի հեղինակավոր համալսարանների և գիտահետազոտական կենտրոնների ադրբեջանցի գիտնականներ և դասախոսներ, տարբեր ոլորտներ ներկայացնող հեղինակավոր անձինք, մշակույթի և արվեստի գործիչներ։

Ինչպես Trend-ին հայտնել են Սփյուռքի հետ աշխատանքի պետական կոմիտեից, իր բացման խոսքում Պետական կոմիտեի նախագահ Ֆուադ Մուրադովը տեղեկացրել է՝ Ադրբեջանի պետության սփյուռքի քաղաքականության, 2024 թվականին իրականացված նախագծերի մասին, պատմել է սփյուռքի շինարարության նոր կարևոր փուլի մասին, շնորհակալություն է հայտնել այս ոլորտում ներդրում ունեցող հայրենակիցներին: Նշվել է, որ մեր երկիրն աշխարհում արժանիորեն ներկայացնող հայրենակիցների համախմբվածությունը վկայությունն է այն բանի, որ նրանք մշտապես Ադրբեջանի պետության կողքին են, և սա ուժեղ ադրբեջանական սփյուռքի ձևավորման ամենավառ օրինակն է։

Պետական կոմիտեի և ադրբեջանական սփյուռքի տարեկան գործունեության մասին կարճ տեսահաշվետվության ներկայացումից հետո, տեղի է ունեցել մտքերի լայն փոխանակում տարվա արդյունքների վերաբերյալ։

Խոսելով Սփյուռքի շինարարության ոլորտում նախորդ տարի գրանցված անթիվ հաջողությունների մասին՝ հայրենակիցները բարձր են գնահատել կատարված աշխատանքը, իրականացվող նախագծերը և արտահայտել իրենց առաջարկները։ Ելույթ ունեղողները նշել են, որ տարեցտարի ավելի համակարգված մոտեցում է մշակվում՝ մեր ազգային շահերն աշխարհի ուշադրությանը արժանացնելու ուղղությամբ։ Նրանք ավանդույթ դարձած տեսակոնֆերանսը դիտարկել են՝ որպես սփյուռքի նկատմամբ ժամանակակից հայեցակարգային մոտեցում ձևավորող հզոր քաղաքական հարթակ։

Համաժողովի ընթացքում ներկայացվել են՝ արտերկրներում բնակվող ադրբեջանցի երաժիշտների ելույթները, ցուցադրվել են սփյուռքի ներկայացուցիչների, «Ադրբեջանի տների» և հանգստյան օրերի դպրոցների կոլեկտիվների պատրաստած տեսանյութերը։ Յուրաքանչյուր կատարում, յուրաքանչյուր տեսանյութ ընդունվել է բուռն ծափահարություններով։

ARMENIA.AZ