Բաքուն և Հռոմը քննարկել են տնտեսական համագործակցության հարցեր

22 Հունվարի 2025 - 12:33

Իտալիա կատարած պաշտոնական այցի շրջանակներում՝ Միլլի Մեջլիսի նախագահ Սահիբա Գաֆարովան հանդիպել է՝ Իտալիայի Սենատի Եվրոպական միության քաղաքականության հանձնաժողովի և Իտալիա-Ադրբեջան միջխորհրդարանական բարեկամության խմբի անդամների հետ։

Ինչպես APA-ին հայտնել են Միլլի Մեջլիսի հասարակայնության հետ կապերի և մամուլի բաժնից, ողջունելով Միլլի Մեջլիսի նախագահին՝ սենատոր Ջուլիո Թերզին վստահություն է հայտնել, որ այս այցն իր ավանդը կներդնի երկկողմ հարաբերությունների զարգացմանը։

Միլլի Մեջլիսի նախագահը, շնորհակալություն հայտնելով ջերմ ընդունելության համար, նշել է ադրբեջանա-իտալական հարաբերությունների բարձր մակարդակը։ Զրույցի ընթացքում նշվել է, որ փոխայցելությունները զգալի ներդրում ունեն հարաբերությունների հետագա զարգացման գործում։ Նախագահ Իլհամ Ալիևի այցերը Իտալիա, այդ թվում՝ անցյալ տարվա սեպտեմբերին, ինչպես նաև Իտալիայի նախագահի այցն Ադրբեջան՝ կարևոր դեր են խաղացել երկկողմ հարաբերությունների ընդլայնման և խորացման գործում։

Զրույցի ընթացքում նշվել է՝ մի շարք ոլորտներում Ադրբեջանի և Իտալիայի արդյունավետ համագործակցությունը, ինչպես նաև քննարկվել են տնտեսական համագործակցության հարցեր, այդ թվում՝ տրանսպորտի և էներգետիկայի ոլորտներում։ Նշվել է հումանիտար ոլորտում կապերի դրական զարգացումը, հատկապես Իտալիայում Հեյդար Ալիևի Հիմնադրամի կողմից իրականացվող նախագծերի նշանակությունը։ Նշվել է նաև ադրբեջանա-իտալական համալսարանի գործունեությունը։ Հանձնաժողովի անդամներն ասել են, որ այս համալսարանը հանդիսանում է մեծ հպարտության և պատվի աղբյուր՝ Ադրբեջան այցելող յուրաքանչյուր իտալացու համար։

ARMENIA.AZ