Միլլի Մեջլիսը Տեր-Պետրոսյանի հայտարարությունների առնչությամբ դիմել է արտասահմանյան երկրների խորհրդարաններին

08 Հունվարի 2025 - 17:20

Միլլի Մեջլիսի միջխորհրդարանական հարաբերությունների աշխատանքային խմբերը և միջազգային խորհրդարանական վեհաժողովներում պատվիրակությունները նամակներ են հղել արտասահմանյան երկրների խորհրդարաններին և խորհրդարանական վեհաժողովներին՝ կապված ՀՀ նախկին նախագահ Լևոն Տեր-Պետրոսյանի վերջերս հրապարակված հայտարարությունների հետ։

Ինչպես Armenia.Az-ին հայտնել են խորհրդարանում, նամակներում նշված են Ադրբեջանի ժողովրդի և պետության դեմ Հայաստանի կողմից իրականացված հանցագործությունները, որոնց հիմքում ընկած են ռասայական խտրականության և արմատական ազգայնականության գաղափարախոսությունը:

Խորհրդարանականներն ընդգծել են, որ վերջերս հրապարակված Տեր-Պետրոսյանի 1993 թվականի հուլիսի 23-ի ելույթի տեսագրությունը ևս մեկ անգամ հաստատում է դա։

«Լևոն Տեր-Պետրոսյանը, լինելով Հայաստանի նախագահը, խոսում է իրականացված օկուպացիայի և էթնիկ զտումների մասին՝ որպես իր երկրի պետական քաղաքականություն։ Սա միանշանակորեն ապացուցում է, որ Հայաստանը՝ որպես պետություն, պատասխանատու է այս բոլոր հանցագործությունների համար, ինչպես նաև, որ այդ բոլոր հանցագործությունները եղել են համակարգված ու կազմակերպված»,- ասվում է նամակներում։

«Միլլի Մեջլիսը կոչ է անում արտասահմանյան երկրների խորհրդարաններին և միջազգային խորհրդարանական վեհաժողովներին ճնշում գործադրել Հայաստանի վրա, ստիպել նրան հրաժարվել ռասիստական քաղաքականությունից, ռևանշիզմից և միլիտարիզմից, ինչպես նաև պայմաններ ստեղծել արևմտյան ադրբեջանցիների՝ իրենց հայրենի հողերը վերադառնալու համար»,- ասվում է նամակում։

ARMENIA.AZ