Ջեյհուն Բայրամովը հեռախոսազրույց է ունեցել Լեհաստանի արտաքին գործերի նախարարի հետ

06 Հունվարի 2025 - 11:37

Հունվարի 5-ին Լեհաստանի արտաքին գործերի նախարար Ռադոսլավ Սիկորսկին զանգահարել է՝ Ադրբեջանի Հանրապետության արտաքին գործերի նախարար Ջեյհուն Բայրամովին։

Ինչպես հաղորդում է Armenia.Az-ն, Լեհաստանի արտաքին գործերի նախարարը հերթական անգամ ցավակցություն է հայտնել՝ «Ադրբեջանական ավիաուղիներին» պատկանող մարդատար ինքնաթիռի ողբերգական վթարի կապակցությամբ։ Հաղորդվում է, որ լեհական կողմը պատրաստ է՝ հնարավոր տեխնիկական աջակցություն ցուցաբերել ողբերգության պատճառների հետաքննության հարցում։

Նախարար Ջեյհուն Բայրամովը շնորհակալություն է հայտնել ցավակցության և ցուցաբերած համերաշխության համար։ Այնուհետև մանրամասն քննարկվել են՝ ԵՄ Խորհրդում Լեհաստանի նախագահության հետ կապված առաջիկա վեց ամիսների առաջնահերթ խնդիրները, ներառյալ Ադրբեջան-ԵՄ հարաբերությունները և Արևելյան գործընկերության ապագա հեռանկարները:

Նշվել է, որ Ադրբեջանի և Լեհաստանի միջև հարաբերությունները լայն խոստումնալից բնույթ ունեն այնպիսի ոլորտներում, ինչպիսիք են՝ քաղաքականությունը, տնտեսությունը, այլընտրանքային էներգետիկան, հումանիտար հարցերը և այլն, և այդ կապերը զարգացնելու համար կարևոր է ուժեղացնել փոխադարձ այցերը և քաղաքական երկխոսությունը:

Հեռախոսազրույցի ընթացքում նախարարները մտքեր են փոխանակել նաև՝ տարածաշրջանային և միջազգային անվտանգության հարցերի շուրջ։

ARMENIA.AZ