Բաբաևը COP-16-ում. Մենք զգալի առաջընթաց գրանցեցինք Բաքվում կայացած COP29-ում

03 Դեկտեմբերի 2024 - 19:08

Բաքվում կայացած COP29-ում կարևոր առաջընթաց է գրանցվել՝ հողերի դեգրադացիայի, անապատացման և երաշտի խնդիրների լուծման հարցում:

Ինչպես հաղորդում է Armenia.Az-ը, այս մասին ասել է Ադրբեջանի էկոլոգիայի և բնական պաշարների նախարար Մուխթար Բաբաևը՝ ելույթ ունենալով Էր-Ռիադում COP-16-ի շրջանակներում՝ «Հողերի վերականգնման և երաշտի դեմ դիմացկունության բարձրացման պետական և մասնավոր ֆինանսավորման մոբիլիզացում» թեմայով ֆինանսավորման նախարարական երկխոսության ժամանակ:

«Կենսաբազմազանության և էկոհամակարգային ծառայությունների վերաբերյալ միջկառավարական գիտաքաղաքական պլատֆորմի համաձայն՝ հողերի դեգրադացումը, անապատացումը և երաշտը՝ տարեկան 10 տրիլիոն դոլարի վնաս է նասցնում համաշխարհային տնտեսությանը: Այս խնդիրները ազդում են էկոհամակարգերի, սննդի անվտանգության և համայնքների բարեկեցության վրա:

Բաքվում կայացած COP29-ում մենք զգալի առաջընթաց գրանցեցինք այս մարտահրավերներին դիմակայելու հարցում: Առանցքային ձեռքբերումներից էր «Կորուստների և վնասների հիմնադրամի» ներդրումը։ Այս հիմնադրամը կենսական ֆինանսական աջակցություն կտրամադրի կլիմայի փոփոխության, ներառյալ երաշտի հետևանքով առավել տուժած երկրներին: Սա կարևորագույն քայլ է կլիմայի կորստի և վնասի դեմ պայքարում և կօգնի խոցելի համայնքներին՝ հաղթահարել հողերի դեգրադացիայի ազդեցությունը», - ասել է նա:

Բաբաևն ընդգծել է, որ COP29-ի ևս մեկ կարևոր ձեռքբերումը պատմական համաձայնությունն է՝ կլիմայի ֆինանսավորման նոր նպատակի վերաբերյալ՝ աջակցելու կլիմայի փոփոխության նկատմամբ առավել խոցելի երկրներին: Այս համաձայնագրի շրջանակներում զարգացող երկրների ֆինանսավորումը եռապատկվելու է՝ տարեկան 100 միլիարդ դոլարից մինչև 2035 թվականը 300 միլիարդ դոլար, տարեկան մոբիլիզացնելով 1,3 տրիլիոն դոլար պետական և մասնավոր աղբյուրներից:

ARMENIA.AZ