Ալիև. Գլոբալ առումով կլիմայի փոփոխությունը բացասաբար է անդրադառնում մարդկանց կյանքի որակի վրա

10 0Հոկտեմբերի 2024 - 13:52

Ադրբեջանի նախագահ Իլհամ Ալիևը ուղերձ է հղել Կլիմայի փոփոխության մասին ՄԱԿ-ի շրջանակային կոնվենցիայի Կողմերի համաժողովի նախնական նիստի (PreCOP29) մասնակիցներին։

Ինչպես հաղորդում է Armenia.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում Իր ուղերձում նախագահը նշել է, որ կլիմայի փոփոխությունն ազդում է աշխարհի բոլոր երկրների վրա, սակայն զարգացող փոքր կղզի պետություններն ավելի շատ են ենթարկվում դրա ազդեցությանը:

Իլհամ Ալիևն ընդգծել է, որ գլոբալ մասշտաբով կլիմայի փոփոխությունը բացասաբար է անդրադառնում մարդկանց կյանքի որակի վրա և խոչընդոտում է կայուն զարգացման նպատակների իրագործմանը։

Այս համատեքստում պետության ղեկավարը նշել է Կասպից ծովի ծանծաղացումը և Ադրբեջանի գետերում ջրի մակարդակի անկումը, ընդգծել է, որ այդ մարտահրավերները հաղթահարելու համար Ադրբեջանը համարձակ քայլեր է ձեռնարկում, մասնավորապես, գործարկել է «Մաքուր շրջակա միջավայր և կանաչ զարգացում» թեմայով սոցիալ-տնտեսական առաջնահերթությունը և 2024 թվականը հռչակել «Համերաշխության տարի՝ հանուն կանաչ աշխարհի»։

Իլհամ Ալիևն ասել է, որ հողմային և արևային էներգիայի հարուստ ներուժը թույլ է տալիս Ադրբեջանին զարգացնել վերականգնվող էներգիայի օրակարգը։

Ղարաբաղը և Արևելյան Զանգեզուրը, որոնք ազատագրվել են օկուպացիայից և հայտարարվել «կանաչ էներգիայի» գոտիներ, ունեն վերականգնվող էներգիայի բավարար պաշարներ։

Նախագահը նշել է, որ Ադրբեջանը նավթի և գազի արդյունահանումից ստացված եկամուտները ներդնում է նաև «կանաչ էներգիայի» մեջ։

ARMENIA.AZ