Քահրամանմարաշում կբացվի Հեյդար Ալիևի անվան տարրական դպրոց

09 Սեպտեմբերի 2024 - 16:48

Թուրքիայի Քահրամանմարաշ նահանգում, որն ամենաշատն է տուժել 2023 թվականի փետրվարյան ավերիչ երկրաշարժերից, շարունակվում են ակտիվ աշխատանքները «Ադրբեջան» բնակելի զանգվածի կառուցման ուղղությամբ։

AZERTAC-ի փոխանցմամբ՝ Քահրամանմարաշում սոցիալական և բնակելի օբյեկտների կառուցման նախագծի շրջանակներում Ադրբեջանի կառավարության գործադիր մարմնի դերում հանդես է գալիս Ադրբեջանի Բնակարանների կառուցման պետական գործակալությունը (MİDA)։ «Ադրբեջան» բնակելի զանգվածի ընդհանուր մակերեսը կազմում է 32 հեկտար, իսկ աշխատանքների արժեքը՝ 100 մլն դոլար։

Շինարարական աշխատանքները հիմնականում ավարտվել են բնակելի զանգվածի 11-րդ և 12-րդ թաղամասերի տարածքում, որտեղ ներկայումս կատարվում են հարդարման աշխատանքներ, իսկ 7-րդ և 8-րդ թաղամասերի տարածքում շարունակվում են բնակելի շենքերի շինարարությունը՝ հաշվի առնելով սեյսմակայունության բոլոր պահանջները:

Ընդհանուր առմամբ, նախագծի շրջանակներում նախատեսվում է կառուցել 71 տուն՝ 2, 3 և 4 սենյականոց 1323 բնակարան։

Հեյդար Ալիևի անվան տարրական դպրոցը կառուցվել և պատրաստ է բացման։ Ուսումնական հաստատության 20 տարրական դասարաններ և նախապատրաստական բաժնի երեք սենյակներ առաջիկա օրերին կընդունեն հարյուրավոր երեխաների։

Դպրոցի պաշտոնական բացումը նախատեսված է սեպտեմբերի 11-ին երկու եղբայրական երկրների պատվիրակությունների մասնակցությամբ:

ARMENIA.AZ