Իլհամ Ալիևը ծանոթացել է Հաղթանակի զբոսայգում շինարարական աշխատանքներին

24 Հուլիս 2024 - 15:05

Ադրբեջանի Հանրապետության նախագահ Իլհամ Ալիևը ծանոթացել է՝ Բաքվի Հաղթանակի զբոսայգում կատարվող շինարարական աշխատանքներին։

AZERTAC-ի փոխանցմամբ՝ PMD Projects-ի տնօրեն Նարիման Թոփչուբաշևը պետության ղեկավարին տեղեկացրել է այգում կատարվող աշխատանքների մասին։

Նախագահ Իլհամ Ալիևի կողմից 2020 թվականի դեկտեմբերի 3-ին ստորագրված կարգադրությամբ հանձնարարվել է՝ Բաքվում ստեղծել Հայրենական պատերազմի հուշահամալիր և Հաղթանակի թանգարան՝ հանրությանը ցույց տալու Հայրենական պատերազմում ադրբեջանական ժողովրդի անօրինակ հերոսությունը և նրա տարած պատմական հաղթանակը՝ հավերժացնելով մեր նահատակների պայծառ հիշատակը։ Կարգադրությունից անմիջապես հետո պատրաստվել է Հայրենական պատերազմի հուշահամալիրի և Հաղթանակի թանգարանի նախագիծը և սկսվել են շինարարական աշխատանքները։

Նշենք, որ 2023 թվականի սեպտեմբերի 27-ին՝ Հիշատակի օրը, նախագահ Իլհամ Ալիևը և առաջին տիկին Մեհրիբան Ալիևան այցելել են Բաքվում կառուցվող Հաղթանակի զբոսայգի։ Պետության ղեկավարն ու առաջին տիկինը ծանոթացել են այստեղ կատարվող աշխատանքներին։

Նոյեմբերի 8-ի պողոտայում ստեղծվող Հաղթանակի զբոսայգին զբաղեցնում է ավելի քան ինը հեկտար տարածք։

Այգու մուտքի մոտ կտեղադրվի 44 տարրից բաղկացած կամար։ Այն խորհրդանշում է դեպի Հաղթանակ տանող ճանապարհի սկիզբը: Կամարի բարձրությունը, որի շինարարությունը դեռ շարունակվում է, 44 մետր է, լայնությունը՝ 22 մետր։

Հաղթանակի օրվա՝ Նոյեմբերի 8-ի պատվին զբոսայգու անցումում կկանգնեցվի հուշահամալիր։ Հուշարձանը կդառնա Հաղթանակի օրվա և անխորտակելի միասնության մարմնավորումը։ Նրա շուրջը կանաչ շերտ է փռվելու՝ վերստեղծելով ղարաբաղյան գորգերի նախշերն ու զարդանախշերը։

ARMENIA.AZ