Ալիև. Թյուրքական պետությունների կազմակերպությունը պետք է դառնա համաշխարհային մասշտաբով ուժային կենտրոններից մեկը

06 Հուլիս 2024 - 17:51

Հուլիսի 6-ին Շուշայում տեղի է ունեցել Թյուրքական պետությունների կազմակերպության ոչ պաշտոնական գագաթնաժողովը։

AZERTAC-ի փոխանցմամբ՝ գագաթնաժողովին մասնակցել են Ադրբեջանի Հանրապետության նախագահ Իլհամ Ալիևը, Ուզբեկստանի Հանրապետության նախագահ Շավքաթ Միրզիյոևը, Ղրղզստանի Հանրապետության նախագահ Սադիր Ժապարովը, Ղազախստանի Հանրապետության նախագահ Կասիմ-Ժոմարտ Տոկաևը, Հունգարիայի վարչապետ Վիկտոր Օրբանը, Թուրքիայի Հանրապետության փոխնախագահ Ջևդեթ Յըլմազը, Հյուսիսային Կիպրոսի Թուրքական Հանրապետության նախագահ Էրսին Թաթարը, Թյուրքական պետությունների կազմակերպության գլխավոր քարտուղար Կուբանիչբեկ Օմուրալիևը։

Միջոցառմանը ելույթ է ունեցել Ադրբեջանի նախավահը:

«Թյուրքական պետությունների կազմակերպումը պետք է դառնա համաշխարհային մասշտաբով ուժային կենտրոններից մեկը։ Մենք ընդգրկում ենք մեծ աշխարհագրական տարածություն, անդամ երկրներում առկա է դրական ժողովրդագրական դինամիկա, և մեր ռազմական ներուժը բազմիցս ապացուցել է իրեն մարտի դաշտում։ Մեր հարուստ բնական ռեսուրսները, դրանց մատակարարման ժամանակակից ենթակառուցվածքը, Միջերկրական և Սև ծովի նավահանգիստների հետ Կենտրոնական Ասիան և Կովկասը կապող տրանսպորտային միջանցքները, մեր հարուստ և հին պատմությունն ու մշակույթը մեր ամենամեծ արժեքներն են:

Մեր ժողովուրդների հավատարմությունը ավանդական արժեքներին և էթնիկ ընդհանրությունը սերտորեն միավորում են մեր երկրները։ 21-րդ դարը պետք է դառնա թյուրքական աշխարհի բարգավաճման դար:

Անցյալ տարվա սեպտեմբերի 20-ին, Ադրբեջանի կողմից իր տարածքային ամբողջականության և ինքնիշխանության ամբողջական վերականգնումից հետո Շուշայում անցկացված այս գագաթնաժողովը խորհրդանշական նշանակություն ունի:

Շուշա քաղաքը՝ Ղարաբաղի թագը, միշտ եղել է Ադրբեջանի և տարածաշրջանի մշակութային և հասարակական-քաղաքական կյանքի կարևոր կենտրոններից մեկը։

Մինչ օրս «Մեծ վերադարձ» ծրագրի շրջանակներում մոտ 8 հազար նախկին ներքին տեղահանվածներ վերադարձել են Լաչին, Ֆիզուլի, Շուշա և Խոջալու քաղաքներ, ինչպես նաև չորս գյուղ։ Մինչ այս տարվա վերջ ավելի քան 20 հազար մարդ կվերադառնա ազատագրված հողեր։

Թուրքական պետությունների ղեկավարների այցերը ազատագրված հողեր եղբայրական համերաշխության դրսևորում են»։

12:51

Այս րոպեներին Շուշայում ընթանում է Թյուրքական պետությունների կազմակերպության ոչ պաշտոնական գագաթնաժողովը։

Ինչպես հայտնում է Armenia.Az-ը, գագաթնաժողովին մասնակցում է Ադրբեջանի նախագահ Իլհամ Ալիևը։

Հիշեցնենք, որ ավելի վաղ Ադրբեջանի նախագահ Իլհամ Ալիևը հանդիպել էր Շուշայում Թուրքական պետությունների կազմակերպության ոչ պաշտոնական գագաթնաժողովին մասնակցող պետությունների և կառավարությունների ղեկավարների հետ։

Ադրբեջանի նախագահը ողջունել է միջոցառմանը ժամանած ԹՊԿ-ի պետությունների և կառավարությունների ղեկավարներին։

ARMENIA.AZ