Արևմտյան Ադրբեջանի համայնքը պատասխանել է Քլոդ Վիսլերին

23 Մայիսի 2024 - 11:32

Լյուքսեմբուրգի Պատգամավորների պալատի նախագահ Քլոդ Վիսլերը մայիսի 22-ին Հայաստանի խորհրդարանի նիստում հանդես գալով կողմնակալ հայտարարությամբ՝ «ծանր սրտով», Ղարաբաղն ինքնակամ լքած հայերի հանդեպ «կարեկցանքով տոգորված», Ադրբեջանին կոչ է արել տրամադրել ինչ որ «անհայտ կորած» անձանց ցուցակը։ Արևմտյան Ադրբեջանի համայնքը մերժում է Վիսլերի հայտարարությունը, որը փորձում է մեղադրել Ադրբեջանին «էթնիկ զտումների» մեջ և «պահանջում է ազատ արձակել» անձանց, ովքեր ներգրավված են ռազմական հանցագործությունների, մարդկության դեմ ուղղված հանցագործությունների և ահաբեկչության մեջ:

Ինչպես հաղորդում է Armenia.Az-ը, այս մասին ասված է Արևմտյան Ադրբեջանի համայնքի հայտարարության մեջ։

Նշվում է, որ իրականում էթնիկ զտումների քաղաքականությունն իրականացրել է Հայաստանը։ Այդ երկիրը, որը երեսուն տարի օկուպացիայի տակ է պահել ադրբեջանական հողերը, 1987-1991 թվականներին բռնի ուժով վտարել է ավելի քան 300 հազար ադրբեջանցիների իրենց տներից։ Ղարաբաղյան առաջին պատերազմի ժամանակ անհայտ կորած ավելի քան 4 հազար ադրբեջանցիների ճակատագիրը շարունակում է անհայտ մնալ:

«Այս ամենը վկայում է այն մադին, որ Վիսլերը կողմնակալ վերաբերմունք և խտրական մոտեցում է ցուցաբերում Ադրբեջանի նկատմամբ։ Ադրբեջանի և Հայաստանի միջև հարաբերությունների կարգավորման ուղղությամբ վերջին քայլերի ֆոնին, ներառյալ սահմանների սահմանազատումը, անընդունելի են երրորդ կողմի նման վնասակար և ոչ տեղին միջամտությունները:

Համայնքը Քլոդ Վիսլերին կոչ է անում արդար դիրքորոշում ցուցաբերել և արձագանքել ավելի քան 300 հազար արևմտյան ադրբեջանցիների հայրենի հողեր վերադարձի հետ կապված հարցին»,- ընդգծվում է հայտարարության մեջ։

ARMENIA.AZ