Ադրբեջանի ԱԳՆ-ն արձագանքել է Միրզոյանի հայտարարություններին

21 Մարտի 2023 - 11:22

Մենք խստորեն դատապարտում և մերժում ենք Հայաստանի Հանրապետության արտաքին գործերի նախարար Արարատ Միրզոյանի սուտ և զրպարտիչ արտահայտությունները, որոնք նա հնչեցրել է 2023 թվականի մարտի 20-ին Ռուսաստանի Դաշնության արտաքին գործերի նախարար Սերգեյ Լավրովի հետ հանդիպման և մամուլի ասուլիսի ժամանակ:

Այս մասին Armenia.Az-ին հայտնել են Ադրբեջանի արտաքին գործերի նախարարությունից։

Հայաստանը, որը հակառակ 2020 թվականի նոյեմբերի 10-ի եռակողմ հայտարարության դրույթների, ամբողջությամբ դուրս չի բերում իր զինված ուժերը Ադրբեջանի ինքնիշխան տարածքներից, դրանով չբավարարվելով՝ ապօրինի կերպով իր զինվորականներին տեղափոխում է Ադրբեջանի տարածք, մշտապես ռազմական սադրանքների է դիմում Ադրբեջանի դեմ, բացառապես հումանիտար նպատակների համար նախատեսված Լաչինի ճանապարհն օգտագործում է Ադրբեջանի բնական ռեսուրսների արտահանման և Ադրբեջանի տարածքների ականապատման համար, վերջին ժամանակներում կեղծավորությամբ և անհիմն կերպով Ադրբեջանին մեղադրում է Եռակողմ հայտարարության դրույթները, ինչպես նաև խաղաղության գործընթացը խախտելու մեջ՝ հաճախ հղում անելով վերոնշյալ փաստաթղթին։

Այն, որ ադրբեջանցիների նկատմամբ զանգվածային էթնիկ զտումների քաղաքականություն վարած, ցեղասպանության ակտեր իրականացրած Հայաստանը մեղադրում է Ադրբեջանին իբր Լաչինի ճանապարհը «փակելու», իբր «էթնիկ զտումներ» և «ցեղասպանություն» իրականացնելու մեջ՝ ոչ այլ ինչ է, քան միջազգային հանրությանը մոլորեցնելու նպատակ հետապնդող հերթական սուտ:

Անընդունելի է, որ չնայած Ադրբեջանը հավատարիմ է տարածաշրջանում խաղաղության օրակարգը առաջ մղելու ջանքերին՝ Հայաստանը, այս գործընթացը ձախողելու նպատակով խաբում է միջազգային հանրությանը` փորձելով ստվեր գցել Ադրբեջանի քաղաքացիական հասարակության ներկայացուցիչների Լաչինի ճանապարհին անցկացրած օրինական բողոքի ակցիայի վրա, խուսափում է իր պարտավորություններից, այդ թվում՝ ինչպես տեսանք մարտի 20-ին, Հայաստանի տարածքում ԵՄ առաքելության գտնվելու ընթացքում պարբերաբար սադրանքների է դիմում։

Ընդհանրապես, Հայաստանի արտաքին գործերի նախարար Արարատ Միրզոյանի՝ ճեպազրույցի ժամանակ արած հայտարարությունները՝ լի անհիմն տարածքային պահանջներով, ցույց է տալիս, որ Հայաստանը դասեր չի քաղել պատմությունից և չի լսել Ադրբեջանի ԱԳՆ-ի մարտի 19-ի պատասխան հայտարարությունը։

ARMENIA.AZ