Ալիևը՝ Ադրբեջանի հանդեպ վստահության մասին: «Մենք ՀԱՊԿ-ում ավելի շատ բարեկամներ ունենք, քան Հայաստանը»

21 Նոյեմբերի 2022 - 17:11

«Մեր միջազգային դիրքերը զգալիորեն ամրապնդվել են։ Այս մասին շատ բան կարելի է ասել, ուղղակի ուզում եմ նշել մի քանի պահ: Մենք դարձանք ԱՊՀ տարածաշրջանի առաջին երկիրը, որը 155 երկրների աջակցությամբ ընտրվեց ՄԱԿ-ի Անվտանգության խորհրդի անդամ։ 2019 թվականին մենք 120 երկրների միաձայն որոշմամբ ընտրվեցինք Չմիավորման շարժման նախագահ, և մեր հաջող գործունեության շնորհիվ մեր նախագահությունը երկարաձգվեց ևս մեկ տարով՝ մինչև հաջորդ տարվա վերջ։ Մենք հաջողությամբ աշխատում ենք Իսլամական համագործակցության կազմակերպության, Թյուրքական պետությունների կազմակերպության և բազմաթիվ այլ կազմակերպությունների շրջանակներում»:

Ինչպես հաղորդում է Armenia.Az-ը, այս մասին հայտարարել է նախագահ Իլհամ Ալիևը իշխող «Նոր Ադրբեջան» կուսակցության հիմնադրման 30-ամյակի կապակցությամբ Հեյդար Ալիևի կենտրոնում կազմակերպված միջոցառման ժամանակ ունեցած ելույթի ժամանակ։

«Նույնիսկ այն կազմակերպություններում, որոնց անդամ չենք, մենք շատ բարեկամներ ունենք, և վերջին տարիների ու ամիսների իրադարձությունները ևս մեկ անգամ ցույց են տալիս դա։ Օրինակ՝ ՀԱՊԿ-ը: Մենք այդ կազմակերպության անդամ չենք, բայց Հայաստանն անդամակցում է, և ՀԱՊԿ-ի միջոցով նպատակ ուներ անհիմն պահանջներ ներկայացնել Ադրբեջանին, փաստորեն անդամ երկրներին ուզում էր հանել Ադրբեջանի դեմ։ Սա մեծ սադրանք է և լուրջ հանցագործություն։

Սակայն այս կազմակերպության մյուս անդամները չգնացին այդ սադրանքին։ Իսկ ոմանք իրենց ելույթներում Հայաստանին այնպիսի վիճակի մեջ գցեցին, որ Հայաստանում առ այսօր չեն կարողանում մոռանալ այդ մասին։ Այսպիսով, ինչի՞ մասին է սա խոսում: Այս կազմակերպությունում մենք ավելի շատ բարեկամներ ունենք, քան Հայաստանը։ Ինչո՞ւ։ Մեր քաղաքականության պատճառով, որովհետև մենք վստահելի գործընկեր ենք։ Իսկ ինչո՞ւ է Հայաստանի նկատմամբ վերաբերմունքը բացասական: Որովհետև նրանք ամենուր ստում են, և խնդիրների լուծման համար այլևս դիմելու տեղ չունեն: Այս ամենն ակնհայտ է, բոլորը տեսնում են, բոլորը գիտեն»,- ասել է պետության ղեկավարը։

ARMENIA.AZ