Օտարերկրյա բլոգերներ. Օկուպացիայի ընթացքում Ադրբեջանի տարածքներում զանգվածային ավերածություններ են կատարվել

16 Նոյեմբերի 2022 - 17:42

Ադրբեջանի ազատագրված տարածքներ այցելած մի խումբ բլոգերներ տեղական լրատվամիջոցներում և սոցիալական ցանցերում կիսվել են՝ ճամփորդությունից ստացած իրենց տպավորություններով։

Ինչպես հայտնում է Armenia.Az-ը, օտարերկրյա բլոգերներն այցելել են օկուպացիայից ազատագրված Ադրբեջանի տարածքներ, այդ թվում՝ Շուշա, Ֆիզուլի, Զանգիլան և այլ շրջաններ, ծանոթացել հայկական օկուպացիայի ժամանակ այստեղ իրականացված զանգվածային ավերածություններին, այդ թվում՝ ականապատ դաշտերին, մզկիթների ոչնչացմանը և ներկայումս անցկացվող մասշտաբային վերականգնման և շինարարական աշխատանքներին:

«Ղարաբաղյան պատերազմի արդյունքում Ադրբեջանի տարածքում զանգվածային ավերածություններ են տեղի ունեցել, քաղաքներն ամբողջությամբ ջնջվել են երկրի երեսից։ Մենք տեսանք ավերված մզկիթներից մեկը՝ Իրանի սահմանից 10 կիլոմետր հեռավորության վրա»,- ֆեյսբուքյան գրառման մեջ գրել է բլոգեր Դեյվ Գորդոնը։

«Շուրջ 30 տարվա օկուպացիայից հետո Ղարաբաղի տարածքն ազատագրվեց Ադրբեջանի կողմից։ Չնայած այստեղ մնում են միլիոնավոր ականներ, որոնք պետք է վնասազերծվեն, ապագայի վերակառուցման գործընթացն արդեն սկսվել է։ Մեկ տարում արդեն շահագործման են հանձնվել 50 ընտանիքի համար նախատեսված «խելացի տները», Ֆիզուլիի շրջանում օդանավակայանը»,- ընդգծել է բլոգերը։

Մեկ այլ բլոգեր՝ Շայ Դե Լուկան, Twitter-ի իր միկրոբլոգում գրել է. «Բարի գալուստ այն վայր, որտեղ Արևելքը հանդիպում է Արևմուտքին՝ Ադրբեջանի մայրաքաղաք Բաքու։ Հակասեմիտիզմի վերջին տասնամյակների ընթացքում չլսված մակարդակի բարձրացման ֆոնին՝ մահմեդականների գերակշռող երկրում հրեաները ապրում են շատ հանդուրժողական միջավայրում»:

ARMENIA.AZ