Ադրբեջանցի պատգամավոր. Հայերը կանխամտածված սրում են իրավիճակը

26 Մայիսի 2021 - 12:24

Հայերը սադրանքների են դիմում՝ կապված սահմանի սահմանազատման և սահմանագծման հարցի հետ և միտումնավոր սրում են իրավիճակը, Armenia.Az- ին ասել է Ադրբեջանի Միլլի Մեջլիսի (խորհրդարան) պատգամավոր Աֆեթ Հասանովան:

Նա նշել է, որ 30 տարվա ընթացքում Հայաստանի կողմից Ադրբեջանի տարածքներիի 20 տոկոսի օկուպացիան հնարավորություն չի տվել սահմանազատել երկու երկրների միջև սահմանը:

«44-օրյա Հայրենական պատերազմի ընթացքում ադրբեջանական բանակը ազատագրեց օկուպացված տարածքները: Օկուպացիայի ավարտը ակտուալ է դարձնում սահմանների սահմանազատման հարցը: Ադրբեջանական հողերի օկուպացման ընթացքում հայկական կողմը ապօրինաբար ընդլայնել է իր սահմանները՝ Ադրբեջանի տարածքների հաշվին: Օկուպացիայի ժամանակ Հայաստանը պատկերացնում էր, որ սահմանն անցնում է զորքերի շփման գծի երկայնքով, և այսօր կարող է պատրաստ չլինել ընկալելու նոր իրողությունները, որոնք հիմնված են միջազգային իրավունքի գործոնի վրա, և բոլոր հարցերը պետք է լուծվեն այդ շրջանակներում: Գոյություն ունեն կոնկրետ փաստաթղթեր և քարտեզներ՝ Ադրբեջանի և Հայաստանի միջև սահմանի հետ կապված: Ադրբեջանի սահմանները ճանաչվել են միջազգային հանրության և փաստաթղթերի կողմից, ներառյալ ՄԱԿ-ի բանաձևերը: Հայաստանի կողմից այդ փաստաթղթերին ընդդիմանալու փորձերն անտեղի են և ոչ մի օգուտ չեն բերի դրան», - ասել է Հասանովան:

ARMENIA.AZ