Ադրբեջանի ԱԳՆ. Բաքուն և Թբիլիսին շարունակում են սահմանների սահմանազատման ուղղությամբ աշխատանքը

03 Մայիսի 2021 - 12:56

Ադրբեջանի փոխարտգործնախարար Խալաֆ Խալաֆովն ասել է, որ ադրբեջանա-վրացական սահմանի սահմանազատման հանձնաժողովների նիստերը կախված են՝ COVID-19 կորոնավիրուսի համավարակի հետևանքով առաջացած իրավիճակից:

«Այժմ ընթանում է ադրբեջանա-վրացական սահմանի սահմանազատման գործընթացը: Պատվիրակությունները կարծիքներ են փոխանակում տարբեր ձևաչափերով: Բայց հանձնաժողովների նիստերի անցկացումը կախված է համավարակի հետևանքով առաջացած իրավիճակից», - ասել է Խալաֆովը, հաղորդում է Armenia.Az- ը:

Ադրբեջանա-վրացական պետական սահմանի սահմանազատման աշխատանքներն իրականացվում են 1996 թվականից: Այս գործընթացի շրջանակներում կողմերը համաձայնության են եկել պետական սահմանի 480 կմ-ից 314-ի շուրջ: Նշված հանձնաժողովի վերջին նիստը տեղի է ունեցել 2019 թ. մայիսի վերջին՝ Բաքվում:

2019 թվականի հուլիսի 14-ին՝ Վրաստանի մի խումբ քաղաքացիներ հարձակվել են Ադրբեջանի սահմանապահների վրա՝ Քեշիկչիդագ (Դավիթ Գարեջի) վանական համալիրի տարածքում և վիրավորել նրանց: Դեպքի կապակցությամբ Ադրբեջանի և Վրաստանի սահմանապահ ծառայությունների ներկայացուցիչները խորհրդակցություն են անցկացրել, որի ընթացքում նրանք համատեղ ուսումնասիրել են միջադեպը, քննարկել ապագայում նման դեպքերը կանխելու ուղղությամբ ձեռնարկվելիք միջոցառումները:

2019 թվականի հուլիսի 16-ին՝ Ադրբեջանի փոխարտգործնախարար Խալաֆ Խալաֆովն հայտարարել է, որ ցանկացած կրոնական, մշակութային և այլ ոչ իրավական փաստեր չեն կարող սահմանի սահմանազատման հիմք հանդիսանալ: «Քեշիկչիդագ (Դավիթ Գարեջի) քարանձավների համալիրը ներառող տարածքը՝ առկա բոլոր իրավական փաստաթղթերի և իրական օգտագործմամբ, միշտ պատկանել է Ադրբեջանին», - հայտարարել է Խալաֆովը:

ARMENIA.AZ