ՊՍԾ. Հայաստանը սադրանքներ է իրականացրել Ադրբեջանի հետ սահմանին

22 Ապրիլի 2021 - 13:09

Ապրիլի 21-ին Հայաստանի վարչապետ Նիկոլ Փաշինյանի Զանգեզուր կատարած այցից հետո, Հայաստանը սադրանքներ է իրականացրել Ադրբեջանի հետ պետական սահմանին, հայտնում է Armenia.Az- ը՝ հղում անելով Ադրբեջանի պետական սահմանապահ ծառայության (ՊՍԾ) մամուլի կենտրոնին:

Նույն օրը երեկոյան հայ զինծառայողները կրակ են բացել՝ Հայաստանի հետ սահմանի մոտ, Զանգիլանի շրջանի Սեյիդեյդլեր գյուղում տեղակայված Ադրբեջանի պետական սահմանապահ ծառայության ստորաբաժանումների և այս ուղղությամբ հայկական կողմից ծառայություն իրականացնող՝ Ռուսաստանի Դաշնային անվտանգության ծառայության սահմանապահ ծառայության ստորաբաժանումների դիրքերի ուղղությամբ:

Դեպքի կապակցությամբ ռուս սահմանապահները դիմել են իրենց ադրբեջանցի գործընկերներին, կոչ անելով նրանց՝ չարձագանքել միջադեպին, քանի որ, ըստ նրանց, սադրանք կատարած անձինք գտնվում էին ալկոհոլային հարբածության վիճակում:

Հաշվի առնելով ռուսական կողմի կոչը՝ ադրբեջանցի սահմանապահները զսպվածություն են ցուցաբերել և պատասխան կրակ չեն բացել:

Դեպքից հետո ադրբեջանական կողմը տեղեկացվել է այն մասին, որ սադրանքը կատարած հայ զինծառայողները հեռացվել են տարածքից:

Նույն օրը, մի խումբ մարդիկ, 30-40 մեքենաներով շարժվելով դեպի Ադրբեջանի պետական սահման՝ Գուբադլի շրջանի Շուռնուխ գյուղի ուղղությամբ, հայերեն լեզվով վանկարկել են հակաադրբեջանական կարգախոսներ:

Ադրբեջանի պետական սահմանապահ ծառայությունը հայտարարում է, որ նման սադրանքների կրկնության դեպքում՝ ձեռնարկվելու են ամենակոշտ պատասխան միջոցներ:

ARMENIA.AZ