Le Monde. Ֆրանսիան ցանկանում է կարգավորել Ադրբեջանի հետ հարաբերությունները

19 Ապրիլի 2021 - 11:50

Ֆրանսիական հայտնի Le Monde պարբերականը՝ ազատագրված ադրբեջանական հողերում անցկացվող վերականգնողական աշխատանքների և պատերազմի ավարտից հետո՝ Ադրբեջանի ու Ֆրանսիայի միջև երկկողմ հարաբերությունների զարգացման մասին հոդված է հրապարակել:

Նրանում ասվում է, որ Ադրբեջանի և Հայաստանի միջև պատերազմը թուլացրել է Փարիզի և Բաքվի միջև երկկողմ հարաբերությունները։ Ֆրանսիական ընկերությունները վախենում են, որ նրանց թույլ չեն տա մասնակցել ազատագրված տարածքների վերականգնման նախագծերին։

Բուլդոզերների մի ամբողջ բանակ հարթեցրել է Ղարաբաղի հենց կենտրոնում Ֆիզուլիի օդանավակայանի ապագա 3 կմ թռչքային գոտիները։ Շուրջը երբեմնի վիթխարի մարտի դաշտեր են, որոնք ծակծկվել են ականներով և չպայթված զինամթերքով։

«Նախագահ Իլհամ Ալիևի իմաստուն քաղաքականության շնորհիվ՝ Ադրբեջանը վերադարձրեց իր տարածքները»,- պատմում է «Ազերաէրոնավիգացիա» (AZANS) օդային երթևեկության վարչության տնօրեն Ֆարխան Գուլիևը։

Նրա խոսքով, այս օդանավակայանի շինարարությունը կավարտվի օգոստոսի վերջերին։ Այն կծառայի Ադրբեջանի մարգալիտ՝ Շուշա քաղաքին: «Այն կլինի Բաքվի օդանավակայանից հետո՝ երկրում մեծությամբ երկրորդ օդանավակայանը»,- հայտարարել է Ֆ. Գուլիևը, փոխանցում է Armenia.Az-ը։

Le Monde-ի տեղեկատվությանը համաձայն՝ ազատագրված հողերի վերականգնման աշխատանքներին ակտիվորեն ներգրավված են թուրքական ընկերությունները։

Պատերազմը թուլացրել է Ադրբեջանի և Ֆրանսիայի երկկողմ հարաբերությունների պրակտիկան։ Անկարան Բաքվին առաջարկել է վճռական ռազմական և դիվանագիտական աջակցություն, այն ժամանակ, երբ Փարիզը ավելի շատ թեքվեց դեպի Երևանը։ Այսօր ֆրանսիական խոշոր ընկերությունները վախենում են, որ նրանք կմեկուսացվեն Ղարաբաղի վերակառուցման վիթխարի նախագծերից։

«Չարժե սպասել նոր պայմանագրեր, նույնիսկ, եթե ֆրանսիական ընկերությունների առաջարկությունները լինեն առավել գայթակղիչ։ Սա ոչ թե պարզապես էմոցիոնալ արձագանք է, սա վստահության հարց է։ Կմնան արդյո՞ք ֆրանսիացիները այնտեղ, եթե քաղաքական իրավիճակը փոխվի։ Սա վշտալի է, որովհետև երկու երկրների միջև համագործակցության ներուժը շատ բարձր է։ Այնպիսի զգացմունք է առաջանում, կարծես թե քսան տարվա ջանքերը ոչ մի բանի չհանգեցին»,- ափսոսանք է հայտնում Ադրբեջանա-ֆրանսիական առևտրա-արդյունաբերական պալատի վարչության նախագահ Թեյբա Գուլիևան։

«Մեր նախագծերը շրջափակված են, կամ շատ դանդաղ են ընթանում»,- ասել է Կենտրոնական Ասիայի և Կովկասի հարցերով SUEZ ընկերության տնօրեն Ալեն Կարբոնելը։

Ինչպես գրում է Le Monde-ն՝ Փարիզը աննկատ փորձում է փոխել իր դիրքորոշումը Հարավային Կովկասում և հունվարի 27-ին տարածաշրջան էր ուղարկել Ֆրանսիայի արտաքին գործերի պետքարտուղար Ժան Բատիստ Լեմուային:

«Երևանում կանգառով ցանկացած պետական այցը նախ անպայման պետք է անցնի Բաքվի միջով, որը ուրիշ կերպ կարող է վիրավորվել»,- պարբերականին ասել է դիվանագիտական աղբյուրը։

Օրաթերթը համարում է, որ Ֆրանսիայի նախագահ Էմանուել Մակրոնը ճիշտ չի վարվել՝ 2018 թվականի հոկտեմբերին այցելելով Երևանում ֆրանկոֆոնիայի գագաթնաժողով։

Մի քանի Ֆրանսիական և ադրբեջանական քաղաքաական աղբյուրների տեղեկատվության համաձայն՝ Ֆրանսիայի արտաքին գործերի նախարար Ժան-Իվ Լե Դրիանը պատրաստվում է «մոտակա շաբաթներում» Ադրբեջանի մայրաքաղաք այցին։

Ընդ որում, հիշեցնենք, որ փետրվարի վերջերին Բաքու էր ժամանել ֆրանսիական ութ պատգամավորներից բաղկացած պատվիրակությունը։ Նրանցից մեկը՝ Ֆեդերիկ Դյուման համարում է, որ անհրաժեշտ է վերականգնել Ֆրանսիայի և Ադրբեջանի միջև հարաբերությունները։ Նա խոստովանում է, որ Ազգային ժողովի որոշ նախաձեռնությունները օբյեկտիվ պատճառներով վատ էին ընկալվել ադրբեջանական հասարակության կողմից։

«Այսօր հասարակությունը չի ընդունում խոշոր պայմանագրերը շահած ֆրանսիական ընկերություններին, քանզի Ֆրանսիան աջակցում է մեր թշնամիներին»,- Le Monde-ին հաստատել է ադրբեջանցի գործարարը։

Օրաթերթի հետ զրույցում Ադրբեջանի նախագահի օգնական, նախագահի աշխատակազմի արտաքին քաղաքական հարցերի բաժնի ղեկավար Հիկմեթ Հաջիևը ժխտում է, որ ֆրանսիական ընկերությունները անշահավետ վիճակում են գտնվում քաղաքական պատճառներով, բայց խոստովանում է, որ Թուրքիայի նման երկրների նկատմամբ նախընտրություններ իրականում կան։

ARMENIA.AZ