Մեթյու Բրայզա. ԵԱՀԿ ՄԽ-ն կողմնակալ կառույց է - ՀԱՐՑԱԶՐՈՒՅՑ

16 Ապրիլի 2021 - 15:41

Նախօրեին Ադրբեջանի ազատագրված տարածքներ է այցելել միջազգային պատվիրակությունը, որի կազմի մեջ է եղել՝ Ադրբեջանում ԱՄՆ-ի նախկին դեսպան, ԵԱՀԿ Մինսկի խմբի նախկին համանախագահ Մեթյու Բրայզան։ ADA համալսարանի կողմից կազմակերպված այցի ընթացքում դիվանագետը այցելել է Ադրբեջանի Աղդամի շրջան։

Caliber.Az-ի հետ զրույցում Մեթյու Բրայզան կիսվել է՝ ազատագրված տարածքներ իր այցից տպավորություններով և տվել է ԵԱՀԿ Մինսկի խմբի ակտիվացման գնահատականը, փոխանցում է Armenia.Az-ը։

«Այո, ես վերջերս այցելել եմ Աղդամ։ Ինձ ապշեցրեց երբեմնի բարգավաճող քաղաքի ավերվածությունների մասշտաբը։ Իսկ չէ որ այն տեղի է ունեցել ոչ թե ինչ որ մարտական գործողությունների ընթացքում։ Պատերազմի ավարտից հետո (առաջին ղարաբաղյան - խմբ.) Աղդամը օկուպացրած հայկական կողմը պարզապես որոշել է ավերել քաղաքը։ Դա եղել է ոչնչացման ինչ որ բարբարոսական օրգիա, տների, ունեցվածքի գողություն»։

Անդրադառնալով ԵԱՀԿ Մինսկի խմբի համանախագահների վերջերս արած հայտարարությանը, որը չի լրացվել նոր բովանդակությամբ՝ մեր զրուցակիցը համաձայնվել է նրա հետ, որ տեքստում չկան հարկավոր մանրամասներ, կամ «որևէ նշանակալից գաղափար»։ «Ես կարծում եմ, որ այժմ նրանք ուղղակի մեկնաբանելու բան չունեն։ Ղարաբաղյան հակամարտությունը արդեն լուծվել է, ինչի մասին ասաց նաև Ադրբեջանի նախագահ Իլհամ Ալիևը՝ ADA համալսարանում խորհրդաժողովին։ Մինսկի խումբը ստեղծվել էր հակամարտությանը լուծում գտնելու համար։ Այն գտնվել է և հետևաբար Մինսկի խումբը առայժմ զբաղվելու բան չունի։ Նախագահ Իլհամ Ալիևը համանախագահներին առաջարկել է մտածել այն մասին, թե նրանք ինչպիսի օգտակար աշխատանքով կկարողանան զբաղվել հետկոնֆլիկտային իրավիճակում»,- նշել է մեր զրուցակիցը։

Մեթյու Բրայզան նշում է, որ հայկական կողմին էլ, անշուշտ, ցանկանալի է ցույց տալ, որ հակամարտությունը դեռ չի կարգավորվել. «Նրանք կարծում են, որ կան ինչ որ իրավաբանական հարցերի, հնարավոր է Ղարաբաղի «կարգավիճակի» (չակերտները մերն են - խմբ.) քննարկումների շանսեր։ Ես հեռու եմ համոզված լինելուց, որ դա հնարավոր է։ Այնպես որ Մինսկի խումբը պետք է զբաղվի ուրիշ գործերով, ինչպիսին է 2020 թվականի նոյեմբերի 10-ի եռակողմ հայտարարության իրականացումը։ Սակայն համանախագահները հրապարակում են անմիտ հայտարարություններ, քանզի դեռևս չգիտեն, թե ինչ պետք է անեն։ Ուզում եմ նշել, որ իր ժամանակին, երբ ես ներգրավված էի ԵԱՀԿ ՄԽ-ի աշխատանքում, մենք հայտարարություններում ներդնում էինք շատ մանրամասնություններ, ինչ որ բան տեղի էր ունենում, մենք մոտեցել էինք բեկման և փորձում էինք երկրներին ուղղել համապատասխան ձևով»։

—Իսկ Դուք ի՞նչ եք մտածում ԵԱՀԿ ՄԽ-ի օբյեկտիվության վերաբերյալ, հաշվի առնելով, օրինակ Ֆրանսիայի դիրքորոշումը։

—Ես կարծում եմ, որ Ֆրանսիայի դիրքորոշումը թույլ չի տալիս ԵԱՀԿ Մինսկի խումբը համարել օբյեկտիվ կառույց։ Հիշեք Ֆրանսիայի ԱԳՆ ղեկավար Լե Դրիանի հայտարարությունը այն մասին, որ Ղարաբաղի կարգավիճակը պետք է դառնա բանակցությունների առարկա։ Նա այդ մասին ասել է նոյեմբերի 10-ի հայտարարությունից անմիջապես հետո։ Այնպես որ, կամ Ֆրանսիան պետք է մտածի այն մասին, թե ինչպես նորից օբյեկտիվ տեսք ունենա, ինչը ես համարում եմ գրեթե անհնար, կամ, այո, բանակցային խմբին պետք է ավելացնել նաև այլ երկրներ։ Ես չեմ կարծում, որ Հայաստանը կհամաձայնվի Թուրքիայի ներգրավման հետ, Բայց Ադրբեջանը բացահայտորեն դեմ է Ֆրանսիայի ներկայությանը։

ARMENIA.AZ