Ադրբեջանի ԱԳՆ. Հայաստանը կրկին շփոթում է պատմությունը դիցաբանության հետ

16 Ապրիլի 2021 - 10:04

Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլլաևան մեկնաբանել է ՀՀ ԱԳՆ ներկայացուցչի հայտարարությունը, ով մեկնաբանել էր Ադրբեջանի պետության ղեկավարի խոսքերը, հայտնում է Armenia.Az- ը:

Ադրբեջանի ԱԳՆ մամուլի ծառայության ղեկավարի խոսքով՝ Հայաստանի ԱԳՆ մոտեցումը զարմանալի չէ, քանի որ պաշտոնական Երևանն ավանդաբար հնչեցնում է նման անհիմն մեղադրանքներ: Ցավոք, հայկական կողմը, ինչպես միշտ, զբաղված է լսածը մեկնաբանելով:

«Հայաստանը, որը տարածքային հավակնություններ ունի ադրբեջանական հողերի նկատմամբ, փորձում է նման պահեր գտնել Ադրբեջանի պաշտոնատար անձանց կողմից հնչեցված կարծիքների մեջ:

Ինչպես գիտեք, հենց Հայաստանն էր, որ հակադրվելով միջազգային իրավունքի, ինքնիշխանության, տարածքային ամբողջականության և միջազգային սահմանների անձեռնմխելիության սկզբունքներին՝ երկար տարիներ օկուպացիոն քաղաքականություն վարեց: Իսկ Ադրբեջանը՝ ընդհակառակը, սատարում է երկկողմ հարաբերությունների կարգավորմանը՝ միջազգային իրավունքի սկզբունքների հիման վրա:

Փորձելով պատմությունը ներկայացնել որպես իր ուժեղ կողմը՝ Հայաստանը կրկին շփոթում է պատմությունը դիցաբանության հետ: Այդ պատճառով հայ ժողովուրդը դարձել է այդ ստերի ու առասպելների պատանդը:

Որքան շուտ պաշտոնական Երևանը գիտակցի այդ փաստը, հայ ժողովուրդն այնքան շուտ կկարողանա օգուտ քաղել տարածաշրջանում կայուն խաղաղությունից և անվտանգությունից », - ասել է Լեյլա Աբդուլլաևան:

ARMENIA.AZ