«Ազերիշըգ» ԲԲԸ-ն կսկսի օգտագործել անօդաչու թռչող սարքեր - ՏԵՍԱՆՅՈՒԹ

02 Մարտի 2021 - 17:56

Ադրբեջանում առաջին անգամ կոմունալ ոլորտում կսկսեն օգտագործել անօդաչու թռչող ասարքեր։

Ինչպես փոխանցում է Armenia.Az-ը՝ վկայակոչելով «Ազերիշըգ» ԲԲԸ-ին, ինտելեկտուալ ցանցերի հայեցակարգը (Smart Grid) ամբողջապես հիմնված է ժամանակակից նորարարական տեխնոլոգիաների օգտագործման վրա։

«Այդ հայեցակարգի շրջանակներում հաջողությամբ շարունակվում են՝ ժամանակակից պաշտպանված և մեկուսացված բարձրավոլտ գծերի, 3D բջջային քարտեզագրական համակարգերի, դիստանցիոն օպտիկական պորտով էլեկտրահաշվիչների և կառավարման առկա պլատֆորմաների ինտեգրման ուղղությամբ աշխատանքները»,- ասել են ԲԲՀ-ում։

Հաղորդվում է, որ թվային կառավարմանը անցնելու ուղղությամբ անցկացվող լայնամասշտաբ միջոցներին պլանավորվում է ավելացնել՝ հատուկ նշանակության անօդաչու սարքերի միջոցով օդային էլեկտարահաղորդման գծերի համապարփակ և տեղական զննման կազմակերպումը։

Այսպիսով, ԲԲԸ-ի Ուսումնական և նորարարությունների կենտրոնում արդեն մեկնարկել է՝ «Ցանցային թերությունների բացահայտման մեջ բարձր տեխնոլոգիաների օգտագործումը» թեմայով դասընթացները։ Այդ տեսակի անօդաչու թռչող սարքերը զգալիորեն տարբերվում են հասարակ լուսանկարման և տեսագրման համար նախատեսված ԱԹՍ-ներից։ Տեսախցիկները, որոնք պետք է օգտագործվեն «Ազերիշըգ»-ում, ի վիճակի են 360-աստիճանանոց համայնապատկերը նկարահանել ինֆրակարմիր սպեկտրում և ջերմաստիճանային ցուցանիշների պատկերման ռեժիմով։ Բացի դրանից, մասշտաբավորման հատուկ ֆունկցիան (zoom) թույլ է տալիս 25-30 մետր հեռավորության վրա բացահայտել նույնիսկ փոքր վնասվածքները։

«Գծերի տեխնիկական զննումը ավանդական մեթոդներով անցկացնելը՝ երկարատև և բարդ դիսպետչերական գործողություններ պահանջող գործընթաց է։ Այստեղ նաև անխուսափելի է լրացուցիչ անձնակազմի, մեքենաների և մեխանիզմների, հատուկ ամբարձիչ տեխնիկայի ներգրավումը։ Արդյունքում էլեկտրաէներգիայի մատակարարման մեջ ծագում են երկարատև ընդհատումներ, վատանում են բաժանորդների բավարարվածության ցուցանիշները և սպասարկման որակը։ Ժամանակակից տեխնոլոգիաների կիրառմամբ այս բոլոր խնդիրները վերացվում են, կիրականացվեն բարձր ճշգրտությամբ տեսողական գրանցում և արխիվացում, իսկ ամենագլխավորը՝ բաժանորդներին էլեկտրաէներգիայի մատակարարման մեջ ընդհատումներ չեն լինի»,- ասվում է հաղորդագրությունում։

Հատուկ նշանակության տեխնիկական անօդաչու սարքավորումների այս ձևը նախատեսված է ինտելեկտուալ ցանցերում, որպես հիմնարար տարր օգտագործելու համար, որոնք պետք է կիրառվեն Ադրբեջանի ազատագրված տարածքներում։

ARMENIA.AZ