Իրանը հերքում է՝ ադրբեջանական բանակի մասին Հայաստանին տեղեկատվություն փոխանցելու փաստը

01 Մարտի 2021 - 17:16

«Մենք իմաստուն ադրբեջանական ժողովրդի և Ադրբեջանի հասարակության ուշադրությանն ենք ներկայացնում, որ դեսպանատունը կտրականապես հերքում է՝ երրորդ երկրի ԶԼՄ-ներին հղումով տարածված լուրերն այն մասին, որ իբր Իրանը ադրբեջանական բանակի մասին տեղեկատվություն է փոխանցել Հայաստանին և զենք ու վառելիք տեղափոխել այնտեղ»:

Այս մասին Armenia.Az-ին հայտնել են Ադրբեջանում Իրանի դեսպանատանը:

«Բոլորին հայտնի է Իսլամական հեղափոխության Գերագույն առաջնորդի և Իսլամական Հանրապետության բարձրաստիճան պաշտոնյաների՝ բացահայտ աջակցությունը Ադրբեջանի Հանրապետության դիրքորոշմանը և օկուպացիան դատապարտելու վերաբերյալ բացահայտ դիրքորոշումը: Այս դիրքորոշումը բազմիցս դրական է գնահատվել Ադրբեջանի Հանրապետության բարձրաստիճան պաշտոնյաների կողմից:

Վերջին պատերազմի ընթացքում Ադրբեջանի Հանրապետության իմաստուն ժողովուրդը նույնպես տեղյակ էր՝ Իրանի և Հայաստանի միջև ցամաքային և օդային սահմանների փակման մասին: Այս մասին հայտարարել է նաև Ադրբեջանի նախագահ Իլհամ Ալիևը:

Ադրբեջանի Հանրապետության հարգարժան նախագահը հայտարարել է նաև Իրանից զենք ձեռք բերելու մասին: Վիրավորական լուրերը, որոնք տարածվել են այժմ՝ յուրօրինակ քարոզչական առճակատման մասնակցող երրորդ երկրի աղբյուրին հղումով, լիովին կեղծ են և ամբողջովին հերքվում են մեր կողմից:

Ղարաբաղյան պատերազմի դժվարին պահին Իրանը քաղաքական ու ռազմական աջակցություն ցուցաբերեց Ադրբեջանին: Երկու ժողովուրդների պատմական, մշակութային և կրոնական կապերի հաշվառմամբ՝ իրանական և ադրբեջանական ժողովուրդների բարեկամությունը հավերժ է, և ոչ մի ուժ չի կարող նրանց նման գործողություններով վնասել», - նշել են դիվանագիտական առաքելությունում:

ARMENIA.AZ