Ադրբեջանի ազատագրված տարածքների վերակառուցումն ու զարգացումը քննարկվել է իտալական ընկերությունների հետ

23 Փետրվարի 2021 - 12:08

Ադրբեջանի ազատագրված տարածքների վերականգնման և զարգացման ոլորտում իտալացի գործարարների հետ համագործակցության հնարավորությունները քննարկելու համար, փետրվարի 22-ին տեսաձևաչափով հանդիպում է անցկացվել՝ Ադրբեջանի քաղաքաշինության և ճարտարապետության պետական կոմիտեի և Իտալիայի արտաքին գործերի և միջազգային համագործակցության նախարարության համատեղ կազմակերպությամբ, հայտնում է Аrmenia.Az-ը՝ հղում անելով պետկոմիտեին:

Ելույթ ունենալով հանդիպմանը՝ Պետական կոմիտեի նախագահ Անար Գուլիևը հատուկ ընդգծել է Իտալիայի բարեկամական դիրքորոշումը, որի վառ օրինակն են դարձել՝ Ադրբեջանի 44-օրյա Հայրենական պատերազմից հետո իտալացի բարձրաստիճան պաշտոնյաների Ադրբեջան կատարած այցի ընթացքում հնչած կարծիքները: Նա ընդգծել է, որ ազատագրված տարածքների զարգացման գործում համագործակցության համար նախապատվությունը տրվում է բարեկամ երկրների ընկերություններին, և այսօր ձևավորվում է նոր բարենպաստ միջավայր՝ ադրբեջանա-իտալական համագործակցության զարգացման համար:

Գուլիևը իտալական կառույցներին հրավիրել է մասնակցել՝ Ղարաբաղի տարածաշրջանի հարուստ պատմական և ճարտարապետական ժառանգության քաղաքաշինության պլանավորմանը, վերականգնմանը և վերակառուցմանը:

Ադրբեջանի Պետական կոմիտեի և Մշակույթի նախարարության ներկայացուցիչները հանդիպմանը հանդես են եկել՝ բնակավայրերի գլխավոր հատակագծերի մշակման և Ղարաբաղի պատմաճարտարապետական հուշարձանների վերականգնման և վերակառուցման ոլորտում գործողությունների և համագործակցության հնարավորությունների վերաբերյալ շնորհանդեսներով:

ARMENIA.AZ