Ադրբեջանցի մասնագետները` «The Lancet» ամսագրում հայերին կոչ են արել չքաղաքականացնել գիտությունը

17 Փետրվարի 2021 - 15:20

Ադրբեջանցի բժիշկները պատասխանել են` «The Lancet» առաջատար գիտական ամսագրում հրապարակված հայ գործընկերների հոդվածին։

Ինչպես փոխանցում է Armenia.Az-ը, հայ մասնագետ Հայրազատ Ղազարյանը և իր գործընկերները հոդվածում պնդում են, որ Լեռնային Ղարաբաղում ոչ վաղուցվա պատերազմը բերել է Հայաստանում COVID-19-ի վարակման դեպքերի աճին։

Տարբեր երկրներում աշխատող ադրբեջանցի բժիշկները և մասնագետները պատասխան հոդվածում դա անվանել են՝ COVID-19-ի վիճակագրությունը աղավաղելու, կարևոր պատմական համատեքստից փաստերը շեղելու ճանապարհով գիտական տվյալները քաղաքականացնելու փորձ։

Հոդվածում, որի հեղինակներ են հանդիսանում՝ Սամիր Բաբաևը, Սաբինա Հաջիևան, Լեյլա Բագիրզադեն, Սաիդ Աշինան և Թուրալ Ալեքբլին, ասվում է.

«2020 թվականի սեպտեմբերի սկզբից աշխարհում COVID-19 վարակի դեպքերի աճի հիմնական պատճառը՝ ցրտահարումներ են, ցածր խոնավությունը, փակ վայրերում մարդկանց կենտրոնացումը, ձեռնարկությունների և դպրոցների բացումը։

Չնայած կանխատեսմանը այն մասին, որ ռազմական առճակատումները էլ ավելի են խորացրել համավարակը՝ COVID-19 վարակի դեպքերի աճը նախորդել է ղարաբաղյան հակամարտության շուրջ լարվածությանը։ Նման աճ է գրանցվել Ադրբեջանին և Հայաստանին հարևան, և հակամարտությանը չմասնակցած երկրում՝ Վրաստանում։ Հայաստանի և Ադրբեջանի զինված ուժերի միջև վերջին մարտերը սկսվեցին 2020 թվականի սեպտեմբերի 27-ին և ավարտվեցին 2020 թվականի նոյեմբերի 10-ին»։

Ադրբեջանցի մասնագետները նշել են նաև Ղազարյանի և նրա գործընկերների՝ Ադրբեջանի և Հայաստանի միջև հակամարտության պատմության վերաբերյալ որոշ պնդումների չհիմնավորվածությունը։

Որպես առողջապահության աշխատողներ, մեզ բոլորիս միավորում են աշխարհում մարդկանց իրավունքների ճանաչումը և մարդկային կյանքի արժեքի հանդեպ հավատը։ Էթնոկենտրոնային հայացքներով գիտության քաղաքականացումը խափանում է մեր կյանքի վրա գիտության դրական ազդեցությունը։ Կարևոր է, որպեսզի մենք գիտությունը չօգտագործելով քաղաքական շահերի համար, բոլորս ձգտենք զարգացնել խաղաղությունը և կանխել ռազմական հակամարտությունները»,- ընդգծվում է պատասխան հոդվածում։

ARMENIA.AZ