Իլհամ Ալիև. Ղարաբաղի վերականգնման ժամանակ Ադրբեջանը կիրառելու է «Խելացի քաղաք» հայեցակարգը

26 Հունվարի 2021 - 16:13

Ադրբեջանի նախագահը հայտարարել է, որ հայկական օկուպացիայից ազատագրված բնակավայրերի վերականգնման ժամանակ պետք է կիրառվեն «Խելացի քաղաք» և «Խելացի գյուղ» հայեցակարգեր:

«Ազատագրված տարածքներում ստեղծվող քաղաքներն ու գյուղերը պետք է հիմնված լինեն «Խելացի քաղաք» և «Խելացի գյուղ» հայեցակարգերի վրա: Քաղաքաշինության և նախագծերի ժամանակ պետք է կիրառվեն աշխարհի ամենաառաջավոր տեխնոլոգիաները», - ասել է նախագահ Իլհամ Ալիևը, որը տեսակապի ձևաչափով ընդունել է տրանսպորտի, կապի և բարձր տեխնոլոգիաների նախարար Ռաշադ Նաբիևին:

Նախագահը նախարարին հանձնարարել է այս հայեցակարգը կիրառել նաև երկրի այլ քաղաքների զարգացման ժամանակ:

«Դրանից հետո, հնարավոր է նաև դրան զուգահեռ, մենք պետք է համանման նախագծեր իրականացնենք նաև այլ քաղաքներում և գյուղերում: Որովհետև եթե մենք այսօր դա չանենք, ապա վաղը կարող ենք հետ մնալ», - նշել է նախագահը, տեղեկացնում է Armenia.Az-ը:

Իլհամ Ալիևը նշել է, որ նման նախագծերի իրականացման ժամանակ պետք է ներգրավել տվյալ ոլորտում գործող համաշխարհային ընկերությունների: «Ինչպես գիտեք, Դավոսի համաշխարհային տնտեսական ֆորումի ժամանակ ես հանդիպեցի շուրջ 10 ընկերությունների ղեկավարների հետ, որոնց մեծ մասը տեխնոլոգիական ընկերություններ են: Այդ հանդիպումների ժամանակ ես տեսա, թե ինչ նորարարություններ, դրական փոփոխություններ կան աշխարհում, և ձգտում եմ այդ ընկերություններին հրավիրել Ադրբեջան», - ընդգծել է երկրի ղեկավարը:

ARMENIA.AZ