Ֆարհադ Բադալբեյլին և Փոլադ Բյուլբյուլօղլուն՝ Շուշայում. Մենք Շուշա եկանք, որպես հաղթողներ

25 Հունվարի 2021 - 10:41

Հունվարի 23-ին Շուշա են այցելել այդ քաղաքի բնիկ, Ադրբեջանի ժողովրդական դերասան, պրոֆեսոր Ֆարհադ Բադալբեյլին և Ռուսաստանում Ադրբեջանի դեսպան Փոլադ Բյուլբյուլօղլուն։

Նրանք կիսվել են հարազատ քաղաք իրենց այցի տպավորություններով, փոխանցում է Armenia.Az-ը՝ վկայակոչելով Trend-ին։

Ֆարհադ Բադալբեյլին պատմել է, որ նրանք շրջել են ողջ Շուշայով. «Նախ մենք գնացինք Փոլադ Բյուլբյուլօղլու տուն։ Իհարկե, մենք մեր տեսածի հետ կապված շատ տխուր պահեր վերապրեցինք, քանզի Շուշան երկար ժամանակ գտնվում էր օկուպացիայի տակ։ Սակայն այս անգամ մենք եկանք ազատագրված Շուշան, որպես հաղթողներ։ Շնորհակալություն պարոն նախագահին, նա անձամբ է Փոլադին հանձնարարել գալ և վերանորոգել հայրական տունը։ Ես, Փոլադ մուալլիմը և ճարտարապետ Ռիզվան Զեյնալովը միասին եկանք ու զննեցինք տունը։ Պլանավորվել է, թե ինչպես պետք է լինի Բյուբյուլի տուն-թանգարանը, այն ինչպես պետք է վերանորոգվի, այնտեղ ինչպիսի աշխատանքներ պետք է տարվեն։ Դա շատ կարևոր էր։

Այնուհետև մենք գնացինք տեսնելու Շուշա վերադարձված Ուզեիր Հաջիբեկովի, Խանի դուստր Նաթավանի և Բյուլբյուլի գնդակահարված կիսանդրիները։ Դրանից հետո, մենք իհարկե այցելեցին Ջըդըր դուզու, հիշեցինք պատանեկան տարիները»։

Փոլադ Բյուլբյուլօղլուն իր հերթին պատմել է, որ հուզմունքի պատճառով նա դժվարանում է խոսքեր գտնել. «Սա ինձ համար շատ երջանիկ օր է։ Եկավ այն պահը, որին մենք սպասել էինք 30 տարի։ Ես այնքան եմ հուզված, որ չեմ կարողանում խոսքեր գտնել, որովհետև մենք գտնվում ենք այստեղ, եղանք իմ հայրական տանը... Ճիշտ է, տունը վատ վիճակում է, պատերը քանդվել են, առաստաղը շուտով կփլվի։ Մի կողմից շատ ծանր է տունը այդպես տեսնել, իսկ մյուս կողմից՝ լցվում եմ մեծ հպարտությամբ, որովհետև ես, որպես հաղթանակած ժողովրդի ներկայացուցիչ, եկել եմ իմ հողը, մտել եմ իմ տունը։

Ես շատ ուրախ եմ, որ մեր հարգարժան նախագահը մեզ նվիրեց այս պահերը։ Շուշա այցի ժամանակ պարոն նախագահն ասել է, որ հատկապես ես կվերանորոգեմ այս տունը։ Եվ այսօր ես այստեղ եմ։ Նախ կնախապատրաստվի աշխատանքների նախագիծ, իսկ այնուհետև մենք կսկսենք դրա իրագործումը»։

Փոլադ Բյուլբյուլօղլուն հավելել է, որ Շուշայում շատ լավ եղանակ էր։ Ճերմակ ձյուն և միաժամանակ պայծառ արև ու ջինջ երկինք. «Երբ մենք Ջըդըր Դուզից նայում էինք շրջակայքը՝ մեզ ամեն ինչ երազ էր թվում։ Կարծես թե ֆիլմ էինք դիտում։ Բարեբախտաբար մենք տեսանք այս օրը։ Դրա համար էլ այս օրը ամենաերջանիկ օրն է իմ կյանքի վերջին 30 տարիների ընթացքում։ Ես Ամենաբարձրյալին խնդրում եմ հագստություն տալ մեր շեքհիդների հոգիներին։ Ես երախտապարտ եմ մեր վետերաններին, մեր բոլոր զինվորներին։ Մենք միշտ պարտական կլինենք նրանց։ Ադրբեջանական ժողովուրդը երբեք չի մոռանա նրանց հերոսությունը։ Կեցցե՛ մեր բանակը, կեցցե՛ մեր հարգարժան նախագահը, մեր Գերագույն գլխավոր հրամանատարը»։

ARMENIA.AZ