Պակիստանի դեսպան. Եթե Թուրքիան և Ադրբեջանը կարողանան կարգավորել հարաբերությունները Հայաստանի հետ, մենք ևս կարող ենք վերանայել մեր դիրքորոշումը

22 Հունվարի 2021 - 17:17

«Պակիստանը աշխարհում միակ երկիրն է, որը չի ճանաչում Հայաստանի պետությունը: Սակայն Պակիստանը Հայաստանի հետ ուղղակի հակասություն չունի: Մենք այս տարածաշրջանի մաս չենք հանդիսանում»:

Այս մասին Armenia.Az- ին տված հարցազրույցում ասել է՝ Ադրբեջանում Պակիստանի արտակարգ եւ լիազոր դեսպան Բիլալ Հային:

Ադրբեջանում Պակիստանի դեսպանը հավելել է, որ Հայաստանի նկատմամբ Պակիստանի դիրքորոշումը կապված է եղբայրական երկրների՝ Թուրքիայի և Ադրբեջանի զգայուն վերաբերմունքի հետ այս հարցում: Հիշեցնելով՝ մոսկովյան հանդիպման շրջանակներում Հայաստանի և Ադրբեջանի միջև տրանսպորտային և հաղորդակցական կապերի ապաշրջափակման հարցերի քննարկումը, դիվանագետը նշել է, որ եթե Թուրքիան և Ադրբեջանը կարողանան կարգավորել հարաբերությունները Հայաստանի հետ, և եթե այդ ուղղությամբ քայլեր ձեռնարկվեն, ապա Իսլամաբադը նույնպես կարող է վերանայել իր դիրքորոշումը:

Դեսպանը ընդգծել է, որ եթե ամեն ինչ դրական հունով ընթանա, Ադրբեջանի և Հայաստանի, ինչպես նաև Հայաստանի և Թուրքիայի միջև հարաբերությունները կարգավորվեն, Իսլամաբադը կմտածի Հայաստանի հետ հարաբերությունների նորմալացման մասին. «Մենք անկեղծորեն հուսով ենք, որ դա մի օր իրականություն կդառնա: Միշտ լավ է փոխշահավետ հարաբերություններ ունենալ ձեր տարածաշրջանի երկրների հետ, որտեղ բոլոր պետությունները կարող են օգուտ քաղել տնտեսական նախագծերից, մասնակցել երկկողմ առևտրին և կապեր հաստատել մարդկանց միջև: Դա լավ սցենար կլինի տարածաշրջանի բոլոր երկրների համար»:

ARMENIA.AZ