Ադրբեջանի ԱԳՆ-ում մեկնաբանել են Եվրախորհրդարանի բանաձևը

22 Հունվարի 2021 - 17:16

Ադրբեջանի ԱԳՆ-ի մամուլի ծառայության ղեկավար Լեյլա Աբդուլլաևան հայտարարություն է արել՝ Եվրախորհրդարանի կողմից ընդունված բանաձևի հետ կապված։

Ինչպես փոխանցում է Armenia.Az-ը՝ Լ. Աբդուլլաևան նշել է, որ այս տարվա հունվարի 20-ին Եվրախորհրդարանի կողմից ընդունված՝ Ընդհանուր արտաքին քաղաքականության և դոկտրինալ ու իրավական ներգործությամբ անվտանգության քաղաքականության և 2021 թվականի ճանապարհային քարտեզի կիրառման մասին բանաձևում հերթական անգամ արտացոլվել է՝ միանշանակ աջակցություն Արևելյան գործընկերության երկրների (այդ թվում նաև Ադրբեջանի) միջազգային մակարդակով ճանաչված սահմանների շրջանակներում տարածքային ամբողջականությանը.

«Չնայած որոշ հայամետ շրջանների ջանքերին, 44-օրյա Հայրենական պատերազմից հետո, Ադրբեջանի և Արևելյան գործընկերության մյուս երկրների տարածքային ամբողջականության և միջազգային մակարդակիով ճանաչված սահմանների նկատմամբ դիրքորոշման մեջ որևէ փոփոխություն տեղի չի ունեցել։

Ուզում ենք պարզություն մտցնել բանաձևում արտացոլված որոշ չհիմնավորված և ուշացած պահերում։ Առաջին հերթին, տարածաշրջանի ապագա կարգավիճակի, և հայկական բնակչության և Լեռնային Ղարաբաղի ժառանգության անվտանգության ապահովման հարցում մեր դիրքորոշումը բազմիցս ակնհայտ ու միանշանակ արտահայտվել է։ Եվս մեկ անգամ, այդ դիրքորոշմանը անծանոթ Եվրախորհրդարանի անդամների ուշադրությանն ենք հասցնում, որ Ադրբեջանի նախագահը կարգավիճակի հարցը ուղարկել է պատմության աղբանոցը։ Ինչ վերաբերում է հայկական բնակչության և ժառանգության անվտանգությանը, ապա Ադրբեջանի տարածքում քաղաքացիների իրավունքները՝ անկախ նրանց էթնիկական պատկանելությունից և դավանանքից՝ ապահովվում են Ադրբեջանի Հանրապետության սահմանադրությամբ, պատմամշակույթային հուշարձանները պաշտպանվում են պետական մակարդակով»։

ARMENIA.AZ