Լեռնային Ղարաբաղի ադրբեջանական համայնքը կտեղափոխվի Շուշա

19 Հունվարի 2021 - 16:57

«Մոտ ապագայում մենք պլանավորում ենք «Լեռնային Ղարաբաղի ադրբեջանական համայնք» հասարակական միավորումը տեղափոխել Շուշա։

Այդ մասին Armenia.Az-ին հայտնել է՝ համայնքի ղեկավար, Միլլի Մեջլիսի (խորհրդարան) պատգամավոր Թուրալ Գյանջալիևը։

Նա նշել է, որ Ղարաբաղից հարկադիր վերաբնակները արդեն ճշտում են վերադարձի հետ կապված պլանները. «Մենք բոլորս մեր հետագա գործունեությունը կապում ենք Շուշայի, օկուպացիայից ազատագրված մյուս բնակավայրերի հետ։ Ամենամոտ ժամանակում, հենց որ դա հնարավոր դառնա՝ մենք աշխատանքը կշարունակենք անմիջապես Ղարաբաղի տարածաշրջանում»։

Թուրալ Գյանջալիևը, որպես Ղարաբաղի վերածննդի հիմնադրամի անդամ, պարզություն է մտցրել նաև մի քանի հարցերում« Մեր կողմից Հիմնադրամի շրջանակներում անցկացված քննարկումների որոշ արդյունքները արդեն հայտնի են։ Առաջին փուլում դա անվտանգության հարցի լուծումն է, երկրորդ փուլում, արդեն ենթակառույցային, տրանսպորտային և մյուս կազմակերպչական հարցերի լուծումից հետո՝ մարդկանց վերադարձն է։ Այդ գործընթացը կանցկացվի սոցիալական և մյուս ծառայությունների ցուցաբերման, ուսումնական հաստատությունների բացման հետ զուգահեռ։ Մոտ ապագայում մենք մեր գործունեությունը տեսնում ենք միայն Ղարաբաղում։ Մենք պետք է վերադառնանք այնտեղ, լիովին պատրաստ ենք այնտեղ մասնակցել վերականգնման աշխատանքներին»։

ARMENIA.AZ