Ադրբեջանում մեղմացվում է խստացված կարանտինային ռեժիմը

16 Հունվարի 2021 - 11:57

Ադրբեջանի Նախարարների կաբինետին կից օպերատիվ շտաբը հայտարարություն է տարածել:

Ադրբեջանում և աշխարհում սանիտարահամաճարակային իրավիճակը վերլուծելուց հետո, որոշվել է՝ կարանտինի հատուկ ռեժիմը երկարացնել մինչև 2021 թվականի ապրիլի 1-ի ժամը 06: 00-ն: Այս մասին Armenia.Az-ին հայտնել են Նախարարների կաբինետում:

Այդուհանդերձ, Ադրբեջանում հիվանդության տարածման դինամիկայում որոշակի կայունության նկատառումով, որոշվել է՝ որոշ զիջումներ կիրառել 2021 թվականի հունվարի 18-ի ժամը 00: 00-ից:

Այսպես, 2021 թվականի հունվարի 18-ի 00:00-ից տանից դուրս գալու համար SMS թույլտվությունները չեղյալ են հայտարարվում:

2021 թվականի հունվարի 25-ի ժամը 00: 00-ից թույլատրվում է՝ առևտրի օբյեկտների (բացառությամբ հասարակական սննդի հաստատություններում, թեյատներում և այլում, տեղում ծառայությունների մատուցումը, ինչպես նաև խոշոր առևտրի կենտրոնների, մոլերի), գեղեցկության սրահների, վարսավիրանոցների և տներում ու այլ վայրերում կոսմետիկ ծառայությունների տրամադրումը, թանգարանների և ցուցասրահների գործունեությունը, միջքաղաքային և միջշրջանային տեղաշարժերը:

2021 թվականի փետրվարի 1-ի ժամը 00: 00-ից վերականգնվում է՝ հասարակական սննդի օբյեկտներում, ռեստորաններում, սրճարաններում ու թեյատնեում և այլնում ծառայությունների մատուցումը:

Բաքվի մետրոյի գործունեության սահմանափակումները դեռ ուժի մեջ են:

ARMENIA.AZ