Ադրբեջանական գազը հասցվել է Հունաստանի սպառողներին

08 Հունվարի 2021 - 17:17

Կասպից ծովի ադրբեջանական հատվածից բնական գազը՝ Անդադրիատիկ գազատարով (TAP) արդեն հասցվել է Հունաստանի սպառողներին:

Ինչպես հաղորդում է Armenia.Az- ը` հղում անելով հունական մամուլին, առաջին ադրբեջանական գազը Հունաստանի սպառողները ստացել են DEPA գազաբաշխիչ ցանցի միջոցով:

TAP նախագծի իրականացման և DEPA-ի հետ համաձայնագրի կնքման շնորհիվ՝ Հունաստանը ամրապնդեց իր մասնակցությունը Եվրոպական Միության ռազմավարական նախագծում`«Հարավային գազային միջանցքին» միանալու և Եվրոպա բնական գազի մատակարարման աղբյուրների և երթուղիների դիվերսիֆիկացիայի ուժեղացման հարցում:

DEPA գազաբաշխիչ ընկերության գործադիր տնօրեն Կոնստանտինոս Կսիֆարասը հայտարարել է, որ առևտրի մատակարարումների մեկնարկով Հունաստանը հետագայում էլ ավելի է մեծացնում իր մատակարարումը՝ բնական գազ գնելով մրցակցային գնով և դրանից կշահեն վերջնական օգտագործողները, այդ թվում՝ երկրի արդյունաբերությունը, տնային տնտեսությունները և ձեռնարկությունները:

Հիշեցնենք, որ վերջերս, Հունաստանի Սալոնիկի քաղաքում շինարարական աշխատանքների մեկնարկից 4,5 տարի անց, սկսվել է՝ 878 կմ երկարությամբ TAP գազի փոխանցման համակարգի կոմերցիոն գործունեությունը: Պրոֆեսիոնալների բազմազգ արդյունաբերական խումբը ջանասիրաբար և արդյունավետ աշխատել է դժվարին պայմաններում՝ էներգետիկ ենթակառուցվածքի այս ռազմավարական մասը ժամանակին շահագործման հանձնելու համար:

TAP- ը՝ «Հարավային գազային միջանցքի» եվրոպական մասնաճյուղն է, կապող նախագիծ, որի միջոցով 10 միլիարդ խորանարդ մետր բնական գազը Ադրբեջանից կտեղափոխվի եվրոպական շուկաներ: Խողովակաշարի ներուժը հնարավորություն է տալիս կրկնապատկել դրա թողունակությունը՝ տարեկան մինչև 20 միլիարդ խորանարդ մետր:

ARMENIA.AZ