Իլհամ Ալիևը Աղդամում. «Ես այստեղ եմ եկել որպես հաղթող»

24 Նոյեմբերի 2020 - 12:21

«Մենք ոչնչացրեցինք հայկական բանակը: Կարող ենք ասել, որ հայկական բանակ գոյություն չունի: Մենք ոչնչացրել ենք ռազմական հանցագործներին: Այս մասին ես խոսեցի Ֆիզուլիում, ուզում եմ նորից ասել՝ մենք ոչնչացրինք Քոչարյանի ու Սարգսյանի բանակը: Մենք ցույց տվեցինք մեր ուժը Քոչարյանին և Սարգսյանին: Մենք հաղթեցինք նրանց»:

Այս մասին՝ ազատագրված Աղդամ քաղաք կատարած այցի շրանակներում ասել է՝ Ադրբեջանի նախագահ Իլհամ Ալիևը, հայտնում է Azerbaijan.Az- ը:

«Ո՞վ է Փաշինյանը, ես հիմա չեմ ուզում խոսել նրա մասին, այն ամենը, ինչ անհրաժեշտ է, ես արդեն ասացի: Քոչարյան, Սարգսյան, դուք ծնկի իջաք մեր առաջ, այդ դուք հասցրեցիք նման դրության այս բոլոր օկուպացված հողերը: Դուք ոչնչացրեցիք այս մզկիթը: Երկրորդ ղարաբաղյան պատերազմի ժամանակ նրանք փախան և թաքնվեցին: Նրանք նույնիսկ մարտական գոտում չկարողացան դուրս հանել իրենց քիթը: Ու՞ր է ձեր հերոսությունը: Ես ասացի՝ հանեք ձեր մանրուքները, դրանք ոչ մի արժեք չունեն: Հերոսների շքանշանները կախել են իրենց կրծքին: Նրանք խաբեբա հերոսներ են: Ահա ես կանգնած եմ այստեղ ձեր ավերած մզկիթի դիմաց, ձեր կողմից ավերված Աղդամում: Ես այստեղ եմ եկել իմ բանակով: Ես այստեղ եմ եկել որպես հաղթող: Եվ դուք մինչ ձեր խղճուկ կյանքի վերջը կապրեք պարտվածի ու վախկոտի խարանով: Ինչու՞ եք մկների պես թաքնվում այնտեղ: Քոչարյան, Սարգսյան, ես ձեզ եմ ասում: Փաշինյանը ոչինչ է: Հիմա նա մեկ խնդիր ունի՝ մնալ իշխանության գլխին: Դրա համար է նա ձերբակալում է ողջ ընդդիմությանը: Արևմուտքը լռում է այս մասին, նա ջուր է առել բերանը: Չե՞ք տեսնում, թե ինչ է կատարվում այնտեղ: Ռազմական հանցագործներ, Խոջալուի մարդասպաններ, մենք հաղթեցինք ձեզ: Ադրբեջանցի զինվորը, ադրբեջանցի սպան ոչնչացեցին ձեզ և ճիշտ արեցին», - ընդգծել է պետության ղեկավարը:

ARMENIA.AZ