Կարմիր խաչը պլանավորում է ավելացնել իր ներկայությունը Ղարաբաղում

24 Նոյեմբերի 2020 - 09:55

Կարմիր խաչի միջազգային կոմիտեի (ԿԽՄԿ) նախագահ Փիթեր Մաուրերը հայտարարել է, որ ԿԽՄԿ-ն պլանավորում է Լեռնային Ղարաբաղ լրացուցիչ 400-500 մարդ ուղարկել։

Ինչպես փոխանցում է Armenia.Az-ը՝ վկայակոչելով ՌԻԱ Նովոստիին, «ՌԲԿ» օրաթերթին տված հարցազրույցում Մաուրերը հայտնել է, որ վերջին վեց շաբաթների ընթացքում Կարմիր խաչը արմատապես փոխել է՝ Ղարաբաղում մարդասիրական առաքելության բնույթը։ Նրա խոսքով, ԿԽՄԿ-ում հասկացել են, որ հակամարտության ծավալման չափով «պետք է ավելին անել»։ Այսպիսով, նա նշել է, որ նախքան պատերազմը տարածաշրջանում ԿԽՄԿ-ի բյուջեն եղել է 10 միլիոն շվեյցարական ֆրանկ (գրեթե 10,96 միլիոն դոլար), իսկ 2021 թվականին այն կհավասարվի 45 միլիոն շվեյցարական ֆրանկի (ավելի քան 49,31 միլիոն դոլար)։

Այսինքն մենք չորս անգամ ավելացնում ենք մեր ներկայությունը։ Մենք այնտեղ շատ քիչ մարդիկ ունեինք։ Այժմ մենք պլանավորում ենք այնտեղ, տարածաշրջան լրացուցիչ 400-500 մարդ ուղղարկել։ Վերջին օրերի ընթացքում մենք արդեն ավելացրել ենք մեր ներկայությունը»,- հայտարարել է Մաուրերը։

ԿԽՄԿ-ի նախագահը հավելել է, որ Կարմիր խաչը գրասենյակներ ունի Երևանում, Բաքվում և Բարդայում։ Այժմ կազմակերպությունը մարդկանց վերադարձնում է Խանքենդի։

Ավելի վաղ, Ռուսաստանի արտաքին գործերի նախարար Սերգեյ Լավրովի հետ հանդիպման ժամանակ՝ Մաուրերը հայտարարել է, որ Կարմիր խաչը նպատակադրված է ուժեղացնել Ռուսաստանի հետ Լեռնային Ղարաբաղի հարցով համագործակցությունը։

ARMENIA.AZ