Իլհամ Ալիևը՝ Լավրովին. Ադրբեջանցիներն ու հայերը պետք է ձգտեն ապաքինել վերքերը

21 Նոյեմբերի 2020 - 22:03

«Տարածաշրջանում ստեղծվել է նոր իրավիճակ, խոստումնալից: Վստահ եմ, որ դրական միտումները ուժեղանալու են: Ամեն դեպքում՝ Ադրբեջանը պատրաստ է դրան և մենք այսօր մանրամասն կքննարկենք տարածաշրջանի զարգացման հեռանկարները:

Իհարկե, եռակողմ հայտարարությունը կարևոր քայլ է մեր տարածաշրջանում ամուր և երկարաժամկետ խաղաղության հաստատման ուղղությամբ: Կուզենայի հատուկ ընդգծել Ռուսաստանի Դաշնության նախագահ Վլադիմիր Պուտինի անձնական ակտիվ դերը Ղարաբաղի վերաբերյալ եռակողմ հայտարարության պատրաստման գործում, և այն փաստը, որ համաձայնագիրը հաջողությամբ կատարվում է, շատ բանով կախված է հենց նրանից, որ դրա տակ դրված է նաև Ռուսաստանի Դաշնության նախագահի ստորագրությունը», - ասել է Իլհամ Ալիևը՝ Ռուսաստանի արտաքին գործերի նախարար Սերգեյ Լավրովի հետ հանդիպման ժամանակ, տեղեկացնում է Аrmenia.Az-ը:

Իլհամ Ալիևն ընդգծել է, որ դա համապատասխանում է տարածաշրջանի երկրների հիմնական շահերին, քանի որ մեր տարածաշրջանում, բնականաբար, տարածաշրջանի երկրները պետք է գլխավոր դեր խաղան, այդ թվում նաև՝ անվտանգության ամրապնդման հարցերում: Այն, ինչ համաձայնեցվեց եռակողմ հայտարարությամբ, խոսում է այն մասին, որ բարի կամքի և կառուցողական մոտեցման առկայության դեպքում կարելի է լուծել հարցեր, որոնք նախկինում անլուծելի էին թվում:

Ուրախ եմ, որ մեզ հաջողվեց գտնել այնպիսի լուծում, որը թույլ կտա և Ադրբեջանի ժողովրդին, և Հայաստանի ժողովրդին ապրել խաղաղության պայմաններում, ձգտել ապաքինել պատերազմի վերքերը, մտածել ապագայի մասին, համատեղ ապագայի, անվտանգ ապագայի», - ասել է Իլհամ Ալիևը:

ARMENIA.AZ