Ադրբեջանի նախագահ. Եթե հայկական ֆաշիզմը նորից գլուխ բարձրացնի, ապա նրանք 10 անգամ ավելի ուժեղ հարված կստանան, և ոչ ոք չի կարողանա մեզ կանգնեցնել

20 Նոյեմբերի 2020 - 16:05

«Ինչ վերաբերում է այն հերթական կեղծիքին, որը Հայաստանը շրջանառում է, ես ուզում եմ դա ևս պարզաբանել։ Այժմ հնչեցվում են այնպիսի թվեր, իբր Լեռնային Ղարաբաղից փախել և փախստականներ են դարձել 90 հազար հայ։ Սուտ է»։

Ինչպես հայտնում է Armenia.Az-ը, այդ մասին՝ Աղդամի շրջանի օկուպացիայից ազատագրելու առթիվ ժողովրդին ուղված ուղղերձում հայտարարել է՝ Ադրբեջանի նախագահ Իլհամ Ալիևը։

Նախագահը նշել է, որ մինչև երկրորդ ղարաբաղյան պատերազմը՝ Լեռնային Ղարաբաղի տարածքում և մեր օկուպացված հողերում ապրում էր ամենաշատը 60-65 հազար մարդ. «Այդ մասին մենք որտեղի՞ց գիտենք։ Մեզ մոտ կան որոշակի տվյալներ։ Մենք այդ տարածաշրջանում ունենք բազմաթիվ տեղեկատվական աղբյուրներ, և մեր հաջողությունների պատճառներից մեկը հատկապես դա է հանդիսանում։ Մենք բացարձակապես ճիշտ գիտեինք և գիտենք, թե այնտեղ ինչեր են տեղի ունենում, որտեղ են թաքնվում նրանց խունտայի պարագլուխները։ Հավանական է , որ նրանք ևս գիտեն, որ մենք տեղյակ ենք։ Ուստի նա չէր կարողանում քիթը դուրս հանել, նստել էր բունկերում։ Մենք ունենք տեղեկություններ- աղբյուրներ, արբանյակային պատկերներ։ Հետևաբար ես լիովին վստահությամբ ասում եմ, որ Լեռնային Ղարաբաղում, այդ թվում նաև օկուպացված հողերում առավելագույնը ապրել է 65 հազար մարդ։ Լավ, այդ դեպքում որտեղի՞ց են ժամանել 90 հազար փախստականները։ Դարձյալ կեղծարարություն, սուտ։ Հիմա էլ նա խղճալի ձայնով, սողալով բոլորից օգնություն կխնդրի։ Նրանց գաղափարախոսության գլխավոր սկզբունքն է՝ «Օգնիր ինձ»։ Ժողովուրդը ինչպե՞ս կարող է զարգանալ նման գաղափարախոսությամբ։ Միայն որևէ մեկից ինչ որ բան սպասել, ինչ որ բանի վրա հույս դնել, իսկ հետո նեղանալ, պահանջներ առաջադրել։ Այս ամենը մինչև հիմա ու՞մ է օգուտ բերել։

Մենք բացահայտել ենք փախստականների մասին այդ կեղծիքը, եթե փախստականներ եղել են, ապա դա մեր մեղքը չէ։ Որովհետև մենք չենք մարտնչել քաղաքացիական բնակչության դեմ։ Այդ նրանք են կռվել քաղաքացիական բնակչության դեմ։ Մենք ունենք քաղաքացիական անձանց թվում 94 շեհիդներ, ավելի քան 400 խաղաղ բնակիչներ վիրավորվել են, ավերվել են մեր ավելի քան 3000 տները։ Քաղաքացիական անձանց շրջանում նրանց կորուստները մի քանի անգամ քիչ են։ Իսկ նրանք նպատակաուղղված հարվածներ են հասցրել մեր քաղաքացիական բնակչությանը։ Նրանք բալիստիկ հրթիռներով հրթիռակոծեցին Գյանջան։ Բարդային կասետային, ֆոսֆորային ռուբերի հարվածներ են հասցրել։ Դա ռազմական հանցագործություն է։ Թերթեր քաղաքը, կարելի է ասել ավերվել է։ Ամենից շատ արկեր են ընկել Թերթերի վրա։ Ամեն առավոտ ինձ զեկուցում էին, թե քանի արկ են ընկել։ Օր է եղել, երբ մի քաղաքի վրա, ընդ որում փոքր՝ ընկել է երկու հազար արկ։ Միթե սա հայկական վայրագություն չէ՞։ Միթե սա Խոջալուի ցեղասպանության կրկնությունը չէ՞։ Տեսեք ու՞մ հետ ենք մենք դեմ առ դեմ կանգնել և ու՞մ ենք պարտության մատնել։ Եվս մեկ անգամ կրկնում եմ, մենք ոչ միայն վերականգնել ենք մեր տարածքային ամբողջականությունը, մենք նաև կոտրել ենք հայկական ֆաշիզմի ողնաշարը։ Մենք տարածաշրջանը փրկել ենք հայկական ֆաշիզմից, աշխարհը փրկեցինք հայկական ֆաշիզմից։ Սակայն նա կարող է բարձրացնել իր գլուխը։ Բայց մենք թույլ չենք տա։ Թող բոլորը դա իմանան»։

Նախագահը հայտարարել է, որ մենք կդիմենք ամեն քայլի, որպեսզի մեզ պաշտպանենք. «Մենք կձեռնարկենք ցանկացած քայլ, որպեսզի պաշտպանենք մեր քաղաքացիներին, և ոչ ոք չի կարող մեզ կանգնեցնել։ Այս 44 օրերի ընթացքում ողջ աշխարհը տեսավ։ Ոչ ոք չի կարող մեր դեմ կանգնել, մեր առջև պայմաններ դնել։ Այն երկրների, որոշ արևմտյան երկրների ներկայացուցիչները, ովքեր պատերազմի առաջին օրերին ուզում էին մեր առջ պայմաններ դնել, մեզ սպառնալ, մեզ զրպարտել՝ ստացան մեր պատասխանը։ Նրանք տեսան, որ մենք այն երկրներից չենք, որոնք գլուխները խոնարհում են որևէ մեկի առջև, և ես այն ղեկավարներից չեմ, ով որևէ մեկից ինչ որ խոսքեր կհանդուրժի։ Ես մի բան էլ ավել եմ պատասխանել, և անհրաժեշտության դեպքում կպատասխանեմ։ Հետևաբար, եթե հայկական ֆաշիզմը նորից գլուխ բարձրացնի, եթե մեր դեմ ինչ որ սադրանքներ իրագործվեն, ապա նրանք տասնապատիկ անգամ ավելի ուժեղ պատասխան կստանան, 10 անգամ, և ոչ ոք չի կարողանա մեզ կանգնեցնել»։

ARMENIA.AZ