ԱԳՆ-ն՝ Ադրբեջանի օկուպացված տարածքներում Հայաստանի կողմից երեխաներին, որպես զինվորներ օգտագործելու մասին

27 0Հոկտեմբերի 2020 - 12:26

«Վերջին օրերին սոցիալական ցանցերում տարածվել են տեսանյութեր, որտեղ ցայտուն կերպով պատկերվում է, թե ինչպես է Հայաստանը Ադրբեջանի օկուպացված տարածքներում երեխաներին օգտագործում, որպես զինվորներ։ Շուրջ երեսուն տարվա ընթացքում Ադրբեջանի Հանրապետությունում երեխաները տանջվում են Հայաստանի երկարատև ագրեսիայից և երկար ժամանակի ընթացքում դրա ազդեցությունից։ Սակայն, ինչպես երևում է՝ Հայաստանը շարունակում է ոչ միայն խախտել ադրբեջանցի երեխաների իրավունքներ, այլ նաև չի խորշում խախտել նույնիսկ հայ երեխաների իրավունքները»։

Ինչպես փոխանցում է Armenia.Az-ը, այդ մասին հայտնել են՝ Ադրբեջանի արտաքին գործերի նախարարության մամուլի ծառայությունում։

Տեղեկատվությունում ասվում է, որ Հայաստանը ռազմական գործողությունների ընթացքում օգտագործելով երեխաներին՝ խախտում է Ժնևի Քաղաքացիական բնակչության պաշտպանության մասին IV համաձայնագիրը և I լրացուցիչ արձանագրությունը, որտեղ նշվում է, որ «Երեխաներն օգտվում են հատուկ հարգանքից և ապահովվում է նրանց պաշտպանությունը ցանկացած անվայել բնույթի ոտնաձգությունից», որը երաշխավորում է երեխաների պաշտպանությունը։

«Նման գործողություններով Հայաստանը կոպտորեն խախտում է՝ զինված հակամարտություններում երեխաների ներգրավման մասին՝ ՄԱԿ-ի Համաձայնագրի ֆակուլտատիվ արձանագրության մեջ ամրագրված երեխաների իրավունքները, մասնավորապես 1-ին և 2-րդ հոդվածները։ Երեխաներին օգտագործելով, որպես զինյալներ՝ Հայաստանը նրանց զրկում է հիմնական իրավունքներից, մասնավորապես կյանքի և պաշտպանության իրավունքը, քանզի երեխաները, որպես զինյալներ, կարող են դառնալ ռազմական թիրախներ։

Իրեն ներկայացնելով անվտանգ դպրոցների մասին հռչակագրի «պաշտպաններից» մեկը՝ Հայաստանը չի ամաչում դպրոցական շենքերը օգտագործել ռազմական նպատակներով, դրանով հանդերձ կրկին անգամ անհարգանք դրսևորելով ապագա սերնդի պաշտպանության նկատմամբ։ Մենք վճռականորեն դատապարտում ենք Հայաստանի կողմից երեխաների իրավունքների խախտումները, նրա կողմից Միջազգային հումանիտար իրավունքի միջազգային համաձայնագրերի և պարտավորությունների բացահայտ անտեսմամբ, և համապատասխան միջազգային կազմակերպություններին կոչ ենք անում՝ համակողմանիորեն ուսումնասիրել այդ անօրինական փորձը և անհրաժեշտ միջոցներ ձեռնարկել՝ Հայաստանի կողմից երեխայի իրավունքների խախտումների դադարեցման համար»,- ընդգծվում է ԱԳՆ-ի հաղորդագրությունում։

ARMENIA.AZ