Թուրքիայի կառավարություն. Հայաստանը ՀԱՊԿ-ի ներսում նման է «տրոյական ձիու»

27 0Հոկտեմբերի 2020 - 11:19

Հայաստանին պետք է վտարել Հավաքական անվտանգության պայմանագրի կազմակերպությունից (ՀԱՊԿ), քանզի նրա գործողությունները առաջին հերթին վտանգ են ներկայացնում այդ կազմակերպության համար։

Այդ մասին Armenia.Az-ին ասել են Թուրքիայի կառավարությունում։

Նշվել է, որ Հայաստանի գործողությունները անմիջականորեն հակասում են ՀԱՊԿ-ի Կանոնադրությանը (երկրորդ գլուխ, հոդված 3), որտեղ ասվում է, որ այդ կազմակերպության նպատակն հանդիսանում է՝ խաղաղության, միջազգային և տարածաշրջանային անվտանգության և կայունության ամրապնդումը։

«Հայաստանի բոլոր քայլերը ուղղված են տարածաշրջանում ապակայունացմանը, որի մասին հիանալի գիտի նաև միջազգային հանրությունը»,- ասել են Թուրքիայի կառավարությունում։

Բացի դրանից, ինչպես նշվել է՝ Երևանը կոպտորեն խախտում է կազմակերպության Կանոնադրության երկրորդ գլխի 4-րդ հոդվածը, որտեղ ասվում է. «Իր գործունեության մեջ կազմակերպությունը համագործակցում է կազմակերպության անդամ չհանդիսացող պետությունների հետ, հարաբերություններ է պահպանում անվտանգության ոլորտում գործող միջազգային միջկառավարական կազմակերպությունների հետ։ Կազմակերպությունը նպաստում է միջազգային իրավունքի համընդհանուր ճանաչված սկզբունքների վրա հիմնված արդար, ժողովրդավարական աշխարհակարգի ձևավորմանը»։ Այսպիսով, ինչպես ասել են Թուրքիայի կառավարությունում, միջազգային իրավունքը Ադրբեջանի կողմն է։

Նշվել է նաև, որ Կանոնադրության երրորդ գլխի 8-րդ հոդվածում հստակ ասվում է, որ անդամ պետությունները միջոցներ են ձեռնարկում կազմակերպության շրջանակներում գործող՝ անդամ պետությունների անվտանգությանը, կայունությանը, տարածքային ամբողջականությանը և ինքնիշխանությանը սպառնացող ճգնաժամային իրավիճակներին արձագանքող համակարգի ստեղծման և գործելու համար։

«Քանի որ ռազմական գործողությունները ընթանում են բացառապես Ադրբեջանի տարածքում, Հայաստանը իրավունք չունի ՀԱՊԿ-ին դիմել այդ հակամարտությանը կառույցի միջամտման համար»,- ասել են Թուրքիայի կառավարությունում։

Թուրքիայի կառավարությունում չեն բացառում, որ Հայաստանը ՀԱՊԿ-ի ներսում նման է «տրոյական ձիու» և այդչափ կարևոր կառույցի ներսում հետապնդում է Արևմուտքի շահերը։

ARMENIA.AZ