Իլհամ Ալիև. Հայաստանի անվտանգությունը, անվճար սպառազինումը ապահովվում է Ռուսաստանի կողմից

11 0Հոկտեմբերի 2020 - 16:29

«Ռուսաստանը, որպես Մինսկի խմբի համանախագահ, իհարկե ունի նույն իրավունքները և լիազորությունները, որոնք երեք երկրներին վերապահված են ԵԱՀԿ-ի կողմից։ Սակայն Ռուսաստանը, անշուշտ, որպես մեր հարևան, որպես մի երկիր, որը և Ադրբեջանի հետ, և Հայաստանի հետ ունի ընդհանուր պատմություն, իհարկե, նա հատուկ դեր է խաղում»։

Ինչպես փոխանցում է Armenia.Az-ը, այդ մասին, ռուսական RBK հեռուստաալիքին տված հարցազրույցում ասել է Ադրբեջանի Հանրապետության նախագահ Իլհամ Ալիևը։

Նա նշել է, որ անշուշտ, այդ դերը հիմնված է պատմության վրա, և մեր ժողովուրդների փոխգործունեության վրա, ինչպես նաև աշխարհում և, անշուշտ մեր տարածաշրջանում Ռուսաստանի դերի ու կշռի վրա. «Հետևաբար, իհարկե հակամարտության կարգավորման վրա ազդելու Ռուսաստան հնարավորությունները անհամեմատ շատ են, քան ցանկացած մյուս երկրի մոտ՝ հաշվի առնելով այս օբյեկտիվ պատճառները։ Դրա համար մենք բազմիցս դիմել ենք Ռուսաստանի ղեկավարությանը, որպեսզի նա օգտագործի Հայաստանի վրա ազդելու այդ քաղաքական լծակները, որպեսզի հայկական կողմին համոզել օկուպացիայի դադարեցման մեջ։ Բազմիցս քննարկվել է այդ թեման, և ես կարող եմ ձեզ ասել, որ իմ ռուս գործընկերոջ հետ մեր բոլոր բազմաթիվ հանդիպումների ժամանակ այդ թեման այս, կամ այլ ձևով, երբեմն մանրամասնորեն, երբեմն ոչ շատ ընդարձակ քննարկվել է, բայց դա տեղի չունեցավ։Չէ որ գաղտնիք չէ, որ այսօր Հայաստանը 100 տոկոսով կախված է Ռուսաստանից։ Անվտանգությունը ապահովվում է Ռուսաստանի կողմից, անվճար սպառազինությունը ապահովվում է Ռուսաստանի կողմից։ Մենք ոչնչացրել ենք Հայաստանի տեխնիկան՝ հավանական է միլիարդավոր դոլարների։ Ահա այժմ, երկու շաբաթվա ընթացքում։ Որտեղի՞ց նրանց մոտ այդքան գումար։ Նրանք այդ չունեն։ Այդ ամենը Ռուսաստանից անվճար մատակարարումներ են։ Ռուսաստանից գազամատակարարում արտոնյալ գներով, էլեկտրաեներգիան ինչ որ աստիճանով նույնպես։ Երկաթուղային ճանապարհները, կապը, ռազմաբազան։ Նույնիսկ Ռուսաստանի սահմանապահներն են պահպանում Թուրքիայի և Իրանի հետ Հայաստանի սահմանները։ Եթե այս ամենը չլիներ, նա կլիներ դատարկ։ Էլ ո՞ր երկրի մոտ կա Հայաստանի վրա ազդելու այդքան լծակներ։ Ոչ մեկի։ Եվ հնարավոր է, որ աշխարհում չկան երկու այդպիսի երկրներ, որից մեկը լինի մյուսից նման ձևով լիովին կախվածության մեջ։ Հետևաբար, անշուշտ, ես համոզված եմ, որ ռուսական կողմի համառության դեպքում, ես կարծում եմ, որ հաշվի առնելով, որ մենք արդեն փոխել ենք ստատուս քվոն, ճեղքել ենք շփման գիծը, և կարծում եմ, որ Երևանը արդեն սթափվել է, անշուշտ Ռուսաստանը ունի բազմաթիվ գործիքներ, որպեսզի կարճ ժամանակահատվածում Հայաստանին համոզի, որ իրավիճակից դուր գալու միակ ելքը, և ոչ միայն ռազմական դիմակայության պլանով, այլ ընդհանրապես Հայաստանի ապագայի համար՝ նրանում է, որպեսզի լուծում գտնի Ադրբեջանի հետ։ Իսկ դա բավականին հեշտ է։ Հեռանալ այդ տարածքներից, դուրս բերել զորքերը, մեր մարդիկ կվերադառնան այնտեղ և մենք կփորձենք կրկին անգամ ապրել կողք կողքի»։

ARMENIA.AZ