Իլհամ Ալիև. Ադրբեջանցի զինվորը փրկիչ-մարտիկ է, հայ զինվորը՝ օկուպանտ

30 Սեպտեմբերի 2020 - 16:38

Ադրբեջանը պետք է վերականգնի իր տարածքային ամբողջականությունը, շփման գծում ընթացող մարտական գործողություններն ուղղված են պատմական արդարության վերականգնմանը, հայտարարել է նախագահ Իլհամ Ալիևը:

«Հայաստանը պետք է հրաժարվի օկուպացիոն քաղաքականությունից: Դրա փոխարեն՝ Հայաստանի վարչապետը մեր առջև նախապայման է դնում, 7 նախապայման: Ես հայտարարեցի, որ չենք ընդունում այդ նախապայմանները: Մենք միայն մեկ նախապայման ունենք. Հայաստանի զինված ուժերը անհապաղ և անվերապահորեն պետք է լքեն մեր հողերը: Այդ պայմանը ուժի մեջ է և եթե Հայաստանի կառավարությունը դա կատարի, ապա ռազմական գործողությունները կդադարեցվեն, այլևս արյուն չի թափվի և տարածաշրջանում խաղաղություն կհաստատվի: Մենք խաղաղություն ենք ուզում, և ուզում ենք լուծել այս հակամարտությունը», - ասել է Իլհամ Ալիևը վիրավոր զինվորների հետ հանդիպման ժամանակ, տեղեկացնում է Armenia.Az-ը:

«Մեզ անընդհատ ասում էին՝ սպասեք, հարցը կլուծվի: Սակայն, ես նախազգուշացրեցի, որ եթե բանակցությունները արդյունք չտան, Ադրբեջանը հարցը կլուծի ռազմական ճանապարհով: Արդարությունը մեր կողմն է, մենք ուզում ենք վերականգնել մեր տարածքային ամբողջականությունը և մենք դա կանենք: Ադրբեջանը պետք է վերականգնի իր տարածքային ամբողջականությունը: Մարտական գործողությունների նպատակը պատմական արդարության վերականգնումն է: Լեռնային Ղարաբաղն Ադրբեջանի պատմական տարածքն է», - նշել է Իլհամ Ալիևը:

Նախագահը հավելել է, որ շփման գծի ողջ երկայնքով ակտիվ ռազմական գործողություններ են ընթանում:

«Ադրբեջանցի զինվորը փրկիչ-մարտիկ է, հայ զինվորը՝ օկուպանտ», - ընդգծել է Իլհամ Ալիևը:

Նա հավելել է, որ այս չորս օրերի ընթացքում ադրբեջանական բանակը ազատագրել է մի շարք բնակավայրեր և ռազմավարական նշանակություն ունեցող բարձունքներ:

ARMENIA.AZ