ՄՄ. խոսնակ. Հարցը պետք է լուծվի Ադրբեջանի տարածքային ամբողջականության վերականգնմամբ

30 Սեպտեմբերի 2020 - 12:24

«Ինչպես ասել է նախագահը՝ մեր հաջող հակահարձակումը վերջ կդնի 30-ամյա օկուպացիային»:

Ինչպես հայտնում է Armenia.Az-ը, այս մասին՝ խորհրդարանի այսօրվա նստաշրջանում ասել է՝ Միլլի Մեջլիսի նախագահ Սահիբա Գաֆարովան:

Նրա խոսքով, հարցը պետք է լուծվի Ադրբեջանի տարածքային ամբողջականության վերականգնմամբ. «Հակառակորդի սադրանքի վերաբերյալ հավաստի տեղեկությունները համաշխարհային հանրությանը հասցնելու, հայերին մերկացնելու համար օգտագործվում են նաև խորհրդարանի լիազորությունները: Ես հեռախոսով խոսեցի Թուրքիայի Ազգային մեծ ժողովի և Պակիստանի խորհրդարանի նախագահների հետ, ԵԱՀԿ Խորհրդարանական վեհաժողովի նախագահը ուղիղ հարցազրույց է տվել թուրքական TRT հեռուստաալիքին: Ես տեղեկացրել եմ հայերի կողմից իրականացված սադրանքի, ադրբեջանցիների և խաղաղ բնակչության վրա հարձակումների մասին: Ես ասել եմ, որ Հայաստանի ղեկավարությունը լիովին պատասխանատվություն է կրում կատարվածի համար: Մի քանի օր առաջ՝ Թուրքիայի Ազգային մեծ ժողովում ներկայացված 4 քաղաքական կուսակցությունները հանդես են եկել համատեղ հայտարարությամբ և դատապարտել են Ադրբեջանի դեմ Հայաստանի ռազմական հարձակումները: Ես նաև շնորհակալագրեր եմ հղել Իտալիայի և Գերմանիայի խորհրդարաններին՝ աջակցության համար: Նախագահի և ժողովրդի միջև այսօր գոյություն ունեցող անձեռնմխելի միասնությունը կապահովի՝ Լեռնային Ղարաբաղի լիովին ազատագրումը»:

ARMENIA.AZ