Լատվիացի պատգամավոր. Ադրբեջանի տարածքային ամբողջականությունն անձեռնմխելի է

30 Սեպտեմբերի 2020 - 10:21

«ՄԱԿ-ի Անվտանգության խորհուրդը 4 բանաձև է ընդունել՝ Լեռնային Ղարաբաղի հակամարտության կարգավորման վերաբերյալ: Միջազգային իրավունքի նորմերի համաձայն՝ Ադրբեջանի, ինչպես և մյուս պետությունների տարածքային ամբողջականությունը անձեռնմխելի է»:

Այս մասին հայտարարել է՝ Լատվիայի սեյմի (խորհրդարան) պատգամավոր Արտուս Կայմինշը, հայտնում է Armenia.Az- ը:

«Լատվիան միշտ աջակցել է Ադրբեջանի տարածքային ամբողջականությանը և չի ճանաչել որևէ կառույց նրա տարածքում, որպես երկրորդ պետություն», - ասել է պատգամավորը:

Ա.Կայմինշը նշել է, որ չնայած նրան, որ Խորհրդային Միության փլուզումից անցել է շուրջ 30 տարի, այնուհանդերձ, դեռ կան նրանից ժառանգված հակամարտություններ. «Ղարաբաղյան հակամարտությունը նույնպես հանդիսանում է այդ դառը ժառանգություններից մեկը»:

Պատգամավորը նշել է, որ երկար տարիներ նման հակամարտությունների լուծման հարցում ստատուս քվոյի պահպանումը՝ հակամարտության սպառնալիք է ստեղծում տարածաշրջանի համար և անցանկալի է.

«Ցավոք, այս հարցը լուծվում է ոչ խաղաղ ճանապարհով, այլ զենքի ուժով՝ 30 տարի անց: Մենք ցանկանում ենք խաղաղության շուտափույթ հաստատում ամբողջ աշխարհում, այդ թվում նաև տարածաշրջանում: Շատ անցանկալի է, որ 21-րդ դարում տեղի ունեցող հակամարտությունների ընթացքում խաղաղ բնակիչները զոհվեն»,-ընդգծել է լատվիացի պատգամավորը:

ARMENIA.AZ