ԵԱՀԿ-ի Մշտական խորհուրդը քննարկել է ղարաբաղյան հակամարտության շուրջ իրավիճակը

29 Սեպտեմբերի 2020 - 22:52

Սեպտեմբերի 29-ին գումարվել է ԵԱՀԿ Մշտական խորհրդի՝ ղարաբաղյան հակամարտության շրջանակներում իրավիճակի զարգացման հարցով հատուկ նիստ, փոխանցում է Armenia.Az -ը՝ վկայակոչելով ԵԱՀԿ-ին։

Նիստին մասնակցել են ԵԱՀԿ անդամ պետությունների 57 ներկայացուցիչներ։

Բացելով նիստը, Մշտական խորհրդի նախագահ, դեսպան Իգլի Հասանին կրկին տագնապ է հայտնել՝ շփման գծում շարունակվող ընդհարումների և իրավիճակի վատթարացման հետ կապված։ Մտահոգվելով զոհերի աճով, նա կրկնել է ԵԱՀԿ-ի ներկայացուցչության՝ անհապաղ դեէսկալացիայի կոչը և ցավակցություն է հայտնել զոհվածների ու վիրավորների ընտանիքներին ու հարազատներին։

Մշտական խորհրդի ճեպազրույցում՝ գործող նախագահի անձնական ներկայացուցիչ Անժեյ Կասպրշիկը ասել է, որ տեղեկւթյուններ է ստանում անմիջապես իրադարձությունների վայրից և տեղի ամենաբարձր մակարդակի ինֆորմատորներից։ Դեսպան Կասպրշիկը ասել է, որ նա մշտական կապ է պահպանում հակամարտության կողմերի հետ և, որ նրա թիմը պատրաստ է վերսկսել դիտարկումը, հենց որ իրավիճակը թույլ տա։

Մինսկի խմբի համանախագահ երկրներ՝ Ֆրանսիայի, Ռուսաստանի Դաշնության և Ամերիկայի Միացիալ Նահանգների ներկայացուցիչները հաստատել են՝ մարտական գործողությունները անհապաղ դադարեցնելու և հակամարտության կայուն կարգավորման ճանապարհների որոնման համար բանակցությունները վերսկսելու մասին՝ բոլոր կողմերին ուղղված համանախագահների կոչը։

ARMENIA.AZ