Ադրբեջանի նախագահ. Թուրքիան ոչ մի ձևով չի մասնակցում ղարաբաղյան հակամարտությանը

29 Սեպտեմբերի 2020 - 21:04

Ադրբեջանի նախագահ Իլհամ Ալիևը հերքել է՝ ղարաբաղյան հակամարտությունում Թուրքիայի մասնակցությունը։

«Ամենայն պատասխանատվությամբ հայտարարում եմ ձեզ, որ Թուրքիան չի հանդիսանում հակամարտության կողմ, ոչ մի ձևով չի մասնակցում նրանում, դրանում ոչ մի անհրաժեշտություն չկա»,- երեքշաբթի՝ «Ռոսսիա-1» հեռուստաալիքի եթերում ասել է Ալիևը, փոխանցում է Armenia.Az -ը՝ վկայակոչելով «Ինտերֆաքս-Ազերբայջան»-ին։

Նրա խոսքով, թուրքական F-16 կործանիչները ներգրավված չեն ղարաբաղյան հակամարտության մեջ։ «Վերջերս ինձ տեղեկացրել են, որ նման լուրեր (շփման գծում մարտերին կործանիչների մասնակցության վերաբերյալ) են հայտնվել տեղեկատվական տարածքում։ Դրանք ոչ մի բանով հաստատված չեն։ Թուրքական ՌՕՈւ-ն ոչ մի ձևով չի մասնակցում մարտական գործողություններին։ Այսօր ժամանակակից տեխնոլոգիաների հաշվառմամբ դժվար է ինչ որ բան թաքցնել, հեշտ է ստուգել, որ դա հերթական սադրանք է»,- նշել է նա։

Ալիևը հավելել է, որ կործանիչների մասին տեղեկատվությունը հայտնվել է Հայաստանից։ «Հայկական կողմի նպատակն է. նախ նսեմացնել ադրբեջանական բանակի մարտունակությունը, երկրորդը՝ ստեղծել տպավորություն, որ հակամարտությունը ընդարձակվում է, դրանում ներգրավվում են երրորդ կողմեր և դրանով հանդերձ՝ փորձելով ներգրավել, որքան հնարավոր է շատ երկրներ, որպեսզի արդարացնի իր սադրանքը»,- ասել է նա։

Պետության ղեկավարը ընդգծել է, որ Թուրքիան՝ Ադրբեջանի համար եղբայրական երկիր է և դաշնակից։ «Ադրբեջանի վրա Հայաստանի հարձակումից հետո, Թուրքիան ղեկավարների մակարդակով միանշանակ արտահայտվել է Ադրբեջանի և միջազգային իրավունքի աջակցման օգտին, որովհետև Հայաստանը շորջ 30 տարիների ընթացքում օկուպացնելով Ադրբեջանի տարածքները՝ կոպտորեն խախտում է միջազգային իրավունքը։ Ըստ էությամբ սրանում է կայանում Թուրքիայի դերը, ուրիշ ոչ մի բանում։ Թուրքիան մեզ ցուցաբերում է բարոյական աջակցություն և մենք երախտապարտ ենք թուրքական ղեկավարությանը և ժողովրդին՝ համերաշխության և աջակցության համար։ Ուրիշ ոչ մի կարգավիճակում Թուրքիան հակամարտությանը չի մասնակցում։ Հայկական կողմից տարածվող ողջ հակառակ տեղեկատվությունը կրում է սադրիչ բնույթ, դա, ինչպես ընդունված է ասել ֆեյք նյուս է, չկա հակամարտությանը Թուրքիայի մասնակցության ոչ մի վկայություն և չկա դրա անհրաժեշտությունը։ Ադրբեջանական բանակը բավականին նախապատրաստված է, որպեսզի ապահովի իր ժողովրդի և իր տարածքների պաշտպանությունը»,- ընդգծել է նա։

Ի.Ալիևը հավելել է, որ Թուրքիայի դերը տարածաշրջանում կրում է կայունացնող դեր։

ARMENIA.AZ