Ադրբեջանի ԱԳՆ. Թովուզում 76-ամյա ծերունու մահը Հայաստանի ղեկավարության խղճի վրա է

26 Սեպտեմբերի 2020 - 12:24

Ադրբեջանի արտաքին գործերի նախարարության մամուլի ծառայության պետ Լեյլա Աբդուլլաևան մեկնաբանել է Հայաստանի ԱԳՆ-ի հայտարարությունը՝ կապված ՄԱԿ-ի Գլխավոր Ասամբլեայում Ադրբեջանի նախագահի ունեցած ելույթի հետ:

Ինչպես տեղեկացնում է Armenia.Az-ը, Լեյլա Աբդուլլաևան նշել է, որ ՄԱԿ-ի Գլխավոր Ասամբլեայի 75-րդ նստաշրջանի շրջանակներում տեսակապի ձևաչափով անցկացված ընդհանուր դեբատների ժամանակ նախագահ Իլհամ Ալիևը, հենվելով կոնկրետ փաստերի վրա՝ համաշխարհային հանրության ուշադրությանն է հասցրել օկուպանտ Հայաստանի և նրա ղեկավարության ձախողված քաղաքականությունը:

Այս չնչին հայտարարությամբ Հայաստանի ԱԳՆ-ն չի կարող հերքել Ադրբեջանի նախագահի ելույթում հնչեցված իրողությունները:

Ներկայումս Հայաստանը գտնվում է խոր ժողովրդագրական, սոցիալական և տնտեսական ճգնաժամի մեջ, որի հիմնական պատճառը Ադրբեջանի դեմ ուղղված օկուպացիոն քաղաքականությունն է: Հայաստանում բռնապետություն է սահմանվել, իսկ իշխանությունը շատ հեռու է ժողովրդի շահերը պաշտպանելուց:

Եթե Հայաստանի նախկին նախագահի ձեռքերը թաթախված էին Խոջալուի ցեղասպանության ժամանակ զոհված կանանց, երեխաների և ծերերի արյան մեջ, ապա այդ երկրի ներկայիս իշխանությունների խղճի վրա է հուլիսի 14-ին Թովուզում 76-ամյա ծերունու սպանությունը:

Հայաստանի ներկայիս իշխանություններին բնութագրող հիմնական հատկանիշներն են սուտը, կեղծավորությունը, երեսպաշտությունը, սադրանքը և ռազմական հանցագործությունը:

Հայաստանը, առաջին հերթին, պետք է հրաժարվի հարևան երկրների նկատմամբ տարածքային հավակնություններից, վերջ դնի օկուպացիոն քաղաքականությանը և հարգի հարևանների միջազգայնորեն ճանաչված սահմանները: Հակառակ դեպքում հայ ժողովուրդը զրկվելու է զարգանալու հնարավորությունից:

ARMENIA.AZ